Abay oblısınıñ Aqsuat audanındağı Qarğıba özeninde jaña su qoyması salınadı. Qwrılıs jwmıstarı 2026 jılı bastalmaq. Qazir nısannıñ jobalau-smetalıq qwjattarı dayındalıp jatır, dep habarlaydı Shalqar.kz.

Jobanıñ uaqıtılı äri sapalı jüzege asuı üşin «Qazsuşar» RMK jergilikti filialınıñ mamandarı, Aqsuat audanı äkimdiginiñ qızmetkerleri jäne merdiger wyım ökilderinen komissiya qwrılıp, qwrılıs jürgiziletin aumaqtı tekserdi.

“Tekseru barısında taraptar jobanı jan-jaqtı talqılap, öz wsınıstarın ortağa saldı. Audan äkimdigimen birlesip işki kanaldar da qaraldı. Jergilikti atqaruşı organdar olardıñ rekonstrukciyasına qatıstı jobalau-smetalıq qwjattı äzirleumen aynalısadı. Jaña su qoyması men magistral'di kanaldar audandağı irrigaciyalıq jüyelerdiñ tolıqqandı äri tiimdi jwmısın qamtamasız etedi, – dedi Abay oblısındağı «Qazsuşar» RMK filialınıñ direktorı Jarqınbek Baysabırov.”