Алматы қаласындағы көші-қон жүктемесін азайту мәселесі басты назарда. ҚР Еңбек және халықты әлеуметтік қорғау бірінші вице-министрі Асқарбек Ертаевтың төрағалығымен өткен көшпелі отырыста Алматы қаласы мен оған іргелес аумақтардағы көші-қон процесін реттеу және Алматы агломерациясын теңгерімді дамыту жолдары талқыланды, деп хабарлайды Shalqar.kz.

Аталған жиынға Алматы қаласы мен Алматы облысының орталық және жергілікті атқарушы органдарының өкілдері қатысты.  

Кездесу барысында мегаполистегі көші-қон жүктемесін азайту үшін агломерациялық аймақтарды тиімді дамыту, халық тығыздығын бөлу және көші-қон ағынын оңтайлы бағыттау жолдары ұсынылды.

Жиын нәтижесінде көші-қон үдерістерін басқарудың нақты механизмдері мен ведомствоаралық әрекеттестік тәсілдері нақтыланып, Жол картасына енгізу үшін шаралар кешені дайындалды.

Айта кетейік, бұған дейін Алматыдағы «Манхэттен» тұрғын үй кешенінде ауқымды тексеру жүргізілген болатын.