ازەربايجاننىڭ مەملەكەتتىك شەكارا قىزمەتى ىرى كولەمدەگى ارنايى وپەراتسييا جۇرگىزىپ, ناتيجەسىندە يراننىڭ ەكى ازاماتى ۇستالدى. ولاردىڭ قولىنان 12 كەلىگە جۋىق ەسىرتكى تاركىلەندى, دەپ حابارلايدى Shalqar.kz.

رەسمي مالىمەتكە سايكەس, وقيعا 4 قىركۇيەككە قاراعان تۇنى نەفتچالا اۋدانى ماڭىندا بولعان. ساعات 00:25-تە شەكاراشىلار جوعارى جىلدامدىقپەن جاعالاۋعا بەت العان قايىقتى بايقاعان. بىردەن بوگەپ توقتاتۋ وپەراتسيياسى باستالعانىمەن, تارتىپ بۇزۋشىلار ەسكەرتۋگە باعىنباي قاشۋعا تىرىسقان. قۋعىن كەزىندە قايىقتىڭ قوزعالتقىشى ورتەنىپ, سۋعا قۇلاعان ەكى قىلمىسكەر كونتراباندالىق پاكەتتەرىن تەڭىزگە لاقتىرا باستاعان.

قۇتقارۋ وپەراتسيياسى كەزىندە ولار ۇستالىپ, سۋدان شىعارىلدى. شەكاراشىلاردىڭ ارقاسىندا قىلمىسكەرلەردىڭ بىرى امان قالىپ, العاشقى مەديتسينالىق كومەك كورسەتىلدى. تەكسەرۋ بارىسىندا تەڭىزگە تاستالعان پاكەتتەردىڭ بىرىنەن 11 كەلى 850 گرامم ەسىرتكى تابىلدى.

ۇستالعاندار — 1994 جىلى تۋعان گۋلرەزا دجاۆاد اليرەزا مەن 1996 جىلى تۋعان بوردبار ميلاد مانسۋر ەسىمدى يران ازاماتتارى ەكەنى انىقتالدى. بۇل دەرەككە بايلانىستى ازەربايجان قىلمىستىق كودەكسىنىڭ بىرنەشە بابىمەن ىس قوزعالدى. قازىرگى ۋاقىتتا تەرگەۋ جانە جەدەل ىزدەستىرۋ شارالارى جالعاسۋدا.

ايتا كەتەيىك, تامىز ايىندا دا ازەربايجان قۇقىق قورعاۋشىلارى 134 كەلىگە جۋىق ماريحۋانا, گەروين, وپيات پەن 1000 مەتادون تابلەتكاسىن ەلگە ەنگىزبەك بولعانداردىڭ جولىن كەسكەن.