قازاقستاندىقتار كوپتەن كۇتكەن الماتى – نьيۋ-يورك باعىتىنداعى تىكەلەي اۋە رەيسى 2026 جىلى قولجەتىمدى بولماق. بۇل تۋرالى سىرتقى ىستەر مينيسترلىگى مالىمدەدى, دەپ حابارلايدى Shalqar.kz.

العاشقىدا بۇل رەيس 2025 جىلى ىسكە قوسىلادى دەپ جوسپارلانعان ەدى. الايدا بەلگىلى سەبەپتەرگە بايلانىستى مەرزىم كەيىنگە شەگەرىلدى. دەگەنمەن ناقتى كۇن الى بەكىتىلگەن جوق.

اقش-قا تىكەلەي رەيس اشۋ تۋرالى باستاما 2023 جىلدان بەرى ايتىلىپ كەلەدى. 2024 جىلدىڭ ساۋىرىندە قازاقستان مەن اقش اۆياتسييالىق اكىمشىلىكتەرى كەلىسسوزدەر جۇرگىزگەنىمەن, ناتيجە ۋادە كۇيىندە قالعان. سونىڭ سالدارىنان قازاقستاندىقتار نьيۋ-يورككە تىكەلەي ۇشۋدى ەندى 2026 جىلعا دەيىن كۇتۋگە ماجبۇر.

ايتا كەتەيىك, بۇعان دەيىن 2026 جىلى الماتى مەن توكيو اراسىندا دا تىكەلەي رەيس اشىلاتىنى حابارلانعان بولاتىن.