Батыс Қазақстан облысында Теректі аудандық орталық кітапхана жүйесінің есепшілері мемлекет қаржысын жымқырды деген айыппен сотқа жіберілді. Тергеу деректеріне сәйкес, олар бірнеше жыл бойы жоқ адамдарға жалақы аударып, қаражатты өз шоттарына түсіріп отырған, деп хабарлайды Shalqar.kz.

Тергеу мәліметінше, мемлекеттік мекеменің бас есепшісі мен оның әріптесі 2023 жылдан бері қылмыстық келісім жасап, ай сайын “қиялдағы қызметкерлерге” жалақы есептеп келген. Барлық ақша олардың жеке есепшоттарына аударылып отырған. Салдарынан мемлекетке 45,9 млн теңге шығын келген.

Экономикалық тергеу департаментінің өкілдері аталған қаржы толық көлемде өндірілгенін айтты. Қазіргі таңда сотқа дейінгі тергеу аяқталып, іс сотқа жіберілді.