باتىس قازاقستان وبلىسىندا تەرەكتى اۋداندىق ورتالىق كىتاپحانا جۇيەسىنىڭ ەسەپشىلەرى مەملەكەت قارجىسىن جىمقىردى دەگەن ايىپپەن سوتقا جىبەرىلدى. تەرگەۋ دەرەكتەرىنە سايكەس, ولار بىرنەشە جىل بويى جوق ادامدارعا جالاقى اۋدارىپ, قاراجاتتى وز شوتتارىنا تۇسىرىپ وتىرعان, دەپ حابارلايدى Shalqar.kz.

تەرگەۋ مالىمەتىنشە, مەملەكەتتىك مەكەمەنىڭ باس ەسەپشىسى مەن ونىڭ ارىپتەسى 2023 جىلدان بەرى قىلمىستىق كەلىسىم جاساپ, اي سايىن “قييالداعى قىزمەتكەرلەرگە” جالاقى ەسەپتەپ كەلگەن. بارلىق اقشا ولاردىڭ جەكە ەسەپشوتتارىنا اۋدارىلىپ وتىرعان. سالدارىنان مەملەكەتكە 45,9 ملن تەڭگە شىعىن كەلگەن.

ەكونوميكالىق تەرگەۋ دەپارتامەنتىنىڭ وكىلدەرى اتالعان قارجى تولىق كولەمدە وندىرىلگەنىن ايتتى. قازىرگى تاڭدا سوتقا دەيىنگى تەرگەۋ اياقتالىپ, ىس سوتقا جىبەرىلدى.