Қарағанды медицина университеті мен Қазан мемлекеттік медицина университеті жаңа «Медицина» атты бірлескен білім беру бағдарламасын іске қосты. Жоба болашақ дәрігерлерге қос диплом алуға мүмкіндік береді, деп хабарлайды Shalqar.kz Денсаулық сақтау министрлігіне сілтеме жасап.

Бағдарлама бойынша оқыту алты жылға созылып, күндізгі форматта екі жоғары оқу орнының базасында өтеді. Бағдарламаны тәмамдаған түлектер Қазақстан мен Ресейде қосымша аккредиттеуден өтпей-ақ дәрігер болып жұмыс істей алады. Сондай-ақ, түлектер Қазақстандағы резидентураны немесе Ресейдегі клиникалық ординатураны таңдап, білімін жалғастыра алады.

Жоба түлектерге практикалық медицинада еңбек етуге, ғылыми-зерттеу саласына араласуға және педагогикалық қызметпен айналысуға жол ашады. Қабылдау Қазақстандағы ұлттық бірыңғай тестілеу нәтижесі мен Ресейдегі кешенді тест (БМЕ баламасы) қорытындысы бойынша жүзеге асырылады.

Бұл бірлескен бағдарлама екі жетекші медициналық ЖОО-ның тәжірибесін тоғыстырып, халықаралық деңгейде мойындалатын мамандарды даярлауға бағытталған.