Qarağandı medicina universiteti men Qazan memlekettik medicina universiteti jaña «Medicina» attı birlesken bilim beru bağdarlamasın iske qostı. Joba bolaşaq därigerlerge qos diplom aluğa mümkindik beredi, dep habarlaydı Shalqar.kz Densaulıq saqtau ministrligine silteme jasap.

Bağdarlama boyınşa oqıtu altı jılğa sozılıp, kündizgi formatta eki joğarı oqu ornınıñ bazasında ötedi. Bağdarlamanı tämamdağan tülekter Qazaqstan men Reseyde qosımşa akkreditteuden ötpey-aq däriger bolıp jwmıs istey aladı. Sonday-aq, tülekter Qazaqstandağı rezidenturanı nemese Reseydegi klinikalıq ordinaturanı tañdap, bilimin jalğastıra aladı.

Joba tülekterge praktikalıq medicinada eñbek etuge, ğılımi-zertteu salasına aralasuğa jäne pedagogikalıq qızmetpen aynalısuğa jol aşadı. Qabıldau Qazaqstandağı wlttıq birıñğay testileu nätijesi men Reseydegi keşendi test (BME balaması) qorıtındısı boyınşa jüzege asırıladı.

Bwl birlesken bağdarlama eki jetekşi medicinalıq JOO-nıñ täjiribesin toğıstırıp, halıqaralıq deñgeyde moyındalatın mamandardı dayarlauğa bağıttalğan.