Qazaqstan mektepterinde «Adal azamat» bağdarlamasınıñ qwndılıqtarın nasihattaytın birıñğay bezendiru ülgisi engiziledi. Bwl turalı Oqu-ağartu ministrliginiñ Tärbie jwmısı jäne qosımşa bilim beru departamentiniñ direktorı Erlan Qalmaqov OKQ brifinginde mälimdedi, dep habarlaydı Shalqar.kz.

Jaña dizayn-kod ayasında är pän kabineti oquşılardıñ jas erekşeligine say bezendirilip, kündelikti jaqsı ädetterdi qalıptastıratın suretter men naqıl sözder qoldanıladı. Al mekteptiñ ortaq keñistikterinde elimizdiñ tabiği körikti jerleriniñ, tarihi twlğalardıñ beyneleri men oyşıldardıñ qanattı sözderi ornalastırıladı.

«Adal azamat» bağdarlamasınıñ altı negizgi qwndılığına negizdelgen bwl brendbuk mektepterge öz erekşelikterine qaray ülgilerdi tañdauğa mümkindik beredi. Qwjat ünemi tolıqtırılıp, zaman talabına say jetildirilip otıradı.

Jaña ülgi kezeñ-kezeñimen engiziledi: aldımen jañadan salınğan mektepterde, keyin renovaciyadan ötetin 1300 bilim ordasında, soñğı kezeñde – kürdeli jöndeuden ötetin qalğan oqu orındarında qoldanısqa engiziledi.

Ayta keteyik, biılğı 1 qırküyekten bastap barlıq mektepte jaña tärbie bağdarlaması iske qosılğan bolatın.