Qazaqstanda memlekettik basqaru jüyesinde mañızdı özgeris orın aldı. Prezident Qasım-Jomart Toqaev qol qoyğan jaña qaulığa säykes, elimizde Jasandı intellekt jäne cifrlıq damu ministrligi qwrıldı, dep habarlaydı Shalqar.kz Aqordağa silteme jasap.

Bwl şeşimge baylanıstı bwrınğı Cifrlıq damu, innovaciyalar jäne aeroğarış önerkäsibi ministrligi qayta qwrılıp, onıñ mindetteri jaña ministrlikke ötti. Sonday-aq innovaciyalıq qızmet salasındağı funkciyalar Ğılım jäne joğarı bilim ministrligine jükteldi.

Jaña ministrlik cifrlıq damu salasın üylestirip qana qoymay, jasandı intellekt tehnologiyaların damıtuğa bağıttalğan bastı organğa aynaladı. Ükimetke memlekettik organdardıñ ştat sanın qayta bölu jäne jarlıqtı jüzege asıruğa qajetti şaralardı qabıldau tapsırıldı.

Jarlıqtıñ orındaluın baqılau Prezident äkimşiligine jükteldi. Qwjat qol qoyılğan küninen bastap küşine endi.