Арыс қаласындағы әскери базаға белгісіз адамдар заңсыз кіруге әрекеттеніп, күзетшілердің қырағылығының арқасында тоқтатылды, деп хабарлайды Shalqar.kz.

Шымкент гарнизонының мәліметінше, оқиға 19 қыркүйек күні болған. Тыйым салынған аймаққа жақындай берген күдіктілерді база күзетшісі байқап, нұсқаулыққа сәйкес дереу шара қолданған. Нәтижесінде күдікті топ ұсталып, олардың жеке тұлғасы мен әрекетінің себебі анықталып жатыр. Алдын ала болжам бойынша, олар әскери аумақтағы түсті металдарды ұрлауды көздеген болуы мүмкін. Тергеу аяқталған соң оқиғаның толық мән-жайы жария етіледі.