پرەزيدەنت قاسىم-جومارت توقاەۆ بۇۇ باس اسسامبلەياسىنىڭ مەرەيتويلىق 80-سەسسيياسىنا قاتىسۋ ۇشىن نьيۋ-يورككە جۇمىس ساپارىمەن باردى, دەپ حابارلايدى Shalqar.kz.

اقوردانىڭ مالىمەتىنشە, مەملەكەت باسشىسى اسسامبلەيانىڭ جالپى دەباتىندا سوز سويلەپ, جاھاندىق كۇن تارتىبىندەگى وزەكتى ماسەلەلەرگە قاتىستى قازاقستاننىڭ ۇستانىمىن تانىستىرادى. سونىمەن قاتار توقاەۆ بىرنەشە مەملەكەت باسشىلارىمەن جانە حالىقارالىق ۇيىمداردىڭ جەتەكشىلەرىمەن كەلىسسوزدەر وتكىزۋدى جوسپارلاپ وتىر.

ساپار بارىسىندا پرەزيدەنت ترانسۇلتتىق كومپانييالاردىڭ وكىلدەرىمەن ەكىجاقتى كەزدەسۋلەر وتكىزىپ, «دوڭگەلەك ۇستەل» فورماتىنداعى جيىندارعا قاتىسادى. بۇل شارالار قازاقستاننىڭ ينۆەستيتسييالىق مۇمكىندىكتەرىن شەتەلدىك ارىپتەستەرگە كەڭىنەن تانىستىرۋعا باعىتتالعان.