2025 jıldıñ qañtar–şilde ayları aralığında Qazaqstannıñ wlttıq parkterin şamamen 2 million adam araladı. Bwl elimizdegi tabiği demalıs pen ekoturizmge degen swranıstıñ joğarı ekenin ayqındaydı, dep habarlaydı Shalqar.kz.

Turisterdi eñ köp qabıldağan park – «Burabay» memlekettik wlttıq tabiği parki. Aqmola oblısındağı bwl körikti mekenge 7 ay işinde 600 mıñnan astam sayahatşı barğan. Qarağaylı orman, äsem jartastar men möldir kölderdiñ üylesimi Burabaydı «qazaqstandıq Şveycariya» atandırğan. Ol otbasılıq demalıs pen belsendi turizm üşin eñ tanımal bağıttardıñ biri bolıp qala beredi.

Ekinşi orında Almatı qalasınıñ irgesindegi İle-Alatau wlttıq parki twr. Mwnda atalğan kezeñde 507 541 turist kelip, taulı tabiğat pen aluan türli floranı tamaşaladı. Park ekologiyalıq turizmniñ swranısqa ie bağıttarınıñ biri sanaladı.

Üştikti Almatı oblısındağı «Kölsay kölderi» wlttıq parki tüyindeydi – mwnda 350 mıñnan astam adam kelgen. Kölsay men Qayıñdı kölderi parktıñ eñ bastı tabiği nışandarı sanaladı.

Sonımen qatar alğaşqı bestikke Almatı oblısındağı Şarın wlttıq parki men Pavlodar oblısındağı Bayanauıl wlttıq parki endi. Şarın özine tän şatqalımen fototurizm men djip-turlardı wnatatın sayahatşılardı qızıqtırsa, Bayanauıl jwmsaq klimatı, taulı landşafttarı jäne äsem kölderimen erekşelenedi.