Qazaqstanda Wlttıq birıñğay testileu jüyesi aldağı jıldarı tübegeyli jañartıladı. Ğılım jäne joğarı bilim ministri Sayasat Nwrbek jaña ülginiñ kezeñ-kezeñimen qalay engiziletinin jäne onıñ tülekterge beretin mümkindikterin bayandadı, dep habarlaydı Shalqar.kz.

Ministr özgeristerdiñ birden emes, josparlı türde jüzege asatının atap ötti.

“Birinşiden, 2026 jılı eşqanday özgerister bolmaydı. Bwl mäsele äleumettik twrğıdan öte sezimtal, sondıqtan onı birden özgertuge bolmaydı. Al ne boladı? Birinşiden: biz qazir bes jıldıq, wzaq merzimdi kezeñ-kezeñimen engiziletin jospar äzirlep jatırmız. Birinşi kezeñde testologtarımızdan qwralğan top älemge tanımal ETS kompaniyasında oqudan ötedi. Bizdiñ birinşi qızmetkerimiz däl qazir kompaniyanıñ Prinstondağı kampusında bilim aluda”, – dedi Sayasat Nwrbek.

Onıñ aytuınşa, SAT, TOEFL, LGR siyaqtı bedeldi halıqaralıq emtihandardı dayındaytın ETS (Educational Testing Service) kompaniyası jaña ädistemelik bazanı qwruğa kömektesedi.

“Ekinşi kezeñ, testologtarımızdı oqıtqannan keyin ETS kompaniyasınıñ kömegimen ädistemelik baza äzirlenedi. Bwl ädisteme nege kerek? Qazirgi WBT köptegen şeteldik universitetter tarapınan halıqaralıq deñgeyde sertifikattalğan test retinde moyındalmaydı. Biz WBT-nı halıqaralıq deñgeydegi, yağni jetekşi şeteldik universitetterge qabıldau üşin qoldanılatın placement test formatına aynaldırğımız keledi”, – dedi ministr.

Jaña format eki maqsattı közdeydi: bilim sapasın ädil bağalau jäne WBT-nıñ halıqaralıq därejede moyındaluın qamtamasız etu.

“Eger bärin dwrıs jasasaq, bizdiñ tülekterimiz WBT sertifikatı arqılı älemdegi kez kelgen universitetke tüse aladı”, – deydi Sayasat Nwrbek.

Sonday-aq ministr jaña test äzirleu barısında bwğan deyingi sın-pikirler eskeriletinin, al bağalau jüyesi bilimmen qatar sıni oylau men psihologiyalıq erekşelikterdi de qamtitının qostı.