Қазақстан президентінің көмекшісі Руслан Желдібай Қасым-Жомарт Тоқаев пен АҚШ президенті Дональд Трамптың бірге түскен суреттерін жариялады. Кадрларда екі ел көшбасшыларының қол алысқан сәті бейнеленген. Желдібайдың жазбасына сәйкес, суреттер Мемлекет басшысының жуырдағы Нью-Йоркке сапары кезінде түсірілген, деп хабарлайды Shalqar.kz.

Сонымен қатар жарияланымда Трамптың жұбайы Меланиямен бірге түскен тағы бір фото бар. Бұл кадрлар әлеуметтік желіде қызу талқыға түсіп жатыр.

Айта кетейік, 21 қыркүйекте Қасым-Жомарт Тоқаев Нью-Йоркке жұмыс сапарымен барған болатын. Ол сапар барысында БҰҰ Бас Ассамблеясының 80-ші мерейтойлық сессиясында сөз сөйлеп, бірқатар мемлекет басшыларымен және халықаралық ұйым жетекшілерімен кездесті.