Қазақстандық диқандарды қолдау мақсатында және елдің астық өнімінің бәсекеге қабілеттілігін сақтау үшін «Азық-түлік келісімшарт корпорациясы» жаңа егіннің сатып алу бағасын жариялады. Баға деңгейі нарықтағы орташа көрсеткіштен жоғары белгіленді, деп хабарлайды Shalqar.kz.

Ұлттық астық нарығының негізгі операторы соңғы төрт жыл бойы алдын ала қаржыландыру бағдарламасы арқылы диқандардан кейін сатып алынатын астыққа әділ баға ұсынып келеді. Бұл бағдарлама фермерлер үшін ең тиімді қолдау тетігі саналады: күзгі жұмыстарға қажетті қаржыға қол жеткізуге және өнімнің кепілді сатылуына мүмкіндік береді.

2025 жылға арналған астық бағасы (ҚҚС есебімен):

• 3-сыныпты бидай (дән маңызы 27%+) – 115 мың теңге
• 3-сыныпты бидай (дән маңызы 25-27%, құлау саны 250+) – 96 мың теңге
• 3-сыныпты бидай (дән маңызы 25-27%, құлау саны 200+) – 94 мың теңге
• 3-сыныпты бидай (дән маңызы 23-24%, түсу саны 230+) – 92 мың теңге
• 3-сыныпты бидай (дән маңызы 23-24%, түсу саны 160+) – 90 мың теңге
• 4-сыныпты бидай (дән маңызы 20-22%, түсу саны 200+) – 82 мың теңге
• 4-сыныпты бидай (дән маңызы 18-19%, түсу саны 80+) – 80 мың теңге
• 5-сыныпты бидай (дән маңызы 18%) – 70 мың теңге
• Қатты бидай (мөлдірлігі 60, түсу саны 200+) – 90 мың теңге
• 2-сыныпты арпа – 75 мың теңге

Әділ баға фермерлерге шығындарын жабуға, өндіріс тиімділігін сақтауға және қазақстандық астықтың халықаралық нарықтағы орнын нығайтуға жол ашады.

Жаңа маусымда дәстүрлі экспорт бағыттары – Өзбекстан, Ауғанстан, Қытай, Иран және Тәжікстан сақталса, астық Солтүстік Африка, Парсы шығанағы мен Оңтүстік-Шығыс Азия елдеріне, сондай-ақ Қара және Балтық теңізі порттарына транзит арқылы жеткізіледі.

Астық бағасының тұрақтылығын сақтау үшін көлік шығындарын өтеуге арналған субсидиялар 2026 жылғы қыркүйекке дейін ұзартылды. Бұл шешім өткен маусымдағы оң тәжірибелерді ескере отырып, Үкімет тарапынан қабылданды.

Бағдарламаға қатысушылар қосымша ақпаратты мына мекенжайлардан ала алады:

• Көкшетау: Нұрсұлтан Назарбаев даңғылы, 19, тел. (8-716-2) 55-11-51, 55-11-54, 42-25-22
• Өскемен: Бейбітшілік көшесі, 30, 206-кеңсе, тел. (8-723-2) 25-95-67, 56-06-57
• Қостанай: Тәуелсіздік көшесі, 147, тел. (8-714-2) 53-11-44, 53-12-44, 54-28-20
• Петропавл: Партизанская көшесі, 160, тел. (8-715-2) 55-11-60, 42-22-66