قازاقستاندىق ديقانداردى قولداۋ ماقساتىندا جانە ەلدىڭ استىق ونىمىنىڭ باسەكەگە قابىلەتتىلىگىن ساقتاۋ ۇشىن «ازىق-تۇلىك كەلىسىمشارت كورپوراتسيياسى» جاڭا ەگىننىڭ ساتىپ الۋ باعاسىن جارييالادى. باعا دەڭگەيى نارىقتاعى ورتاشا كورسەتكىشتەن جوعارى بەلگىلەندى, دەپ حابارلايدى Shalqar.kz.

ۇلتتىق استىق نارىعىنىڭ نەگىزگى وپەراتورى سوڭعى تورت جىل بويى الدىن الا قارجىلاندىرۋ باعدارلاماسى ارقىلى ديقانداردان كەيىن ساتىپ الىناتىن استىققا ادىل باعا ۇسىنىپ كەلەدى. بۇل باعدارلاما فەرمەرلەر ۇشىن ەڭ تيىمدى قولداۋ تەتىگى سانالادى: كۇزگى جۇمىستارعا قاجەتتى قارجىعا قول جەتكىزۋگە جانە ونىمنىڭ كەپىلدى ساتىلۋىنا مۇمكىندىك بەرەدى.

2025 جىلعا ارنالعان استىق باعاسى (ققس ەسەبىمەن):

• 3-سىنىپتى بيداي (دان ماڭىزى 27%+) – 115 مىڭ تەڭگە
• 3-سىنىپتى بيداي (دان ماڭىزى 25-27%, قۇلاۋ سانى 250+) – 96 مىڭ تەڭگە
• 3-سىنىپتى بيداي (دان ماڭىزى 25-27%, قۇلاۋ سانى 200+) – 94 مىڭ تەڭگە
• 3-سىنىپتى بيداي (دان ماڭىزى 23-24%, تۇسۋ سانى 230+) – 92 مىڭ تەڭگە
• 3-سىنىپتى بيداي (دان ماڭىزى 23-24%, تۇسۋ سانى 160+) – 90 مىڭ تەڭگە
• 4-سىنىپتى بيداي (دان ماڭىزى 20-22%, تۇسۋ سانى 200+) – 82 مىڭ تەڭگە
• 4-سىنىپتى بيداي (دان ماڭىزى 18-19%, تۇسۋ سانى 80+) – 80 مىڭ تەڭگە
• 5-سىنىپتى بيداي (دان ماڭىزى 18%) – 70 مىڭ تەڭگە
• قاتتى بيداي (مولدىرلىگى 60, تۇسۋ سانى 200+) – 90 مىڭ تەڭگە
• 2-سىنىپتى ارپا – 75 مىڭ تەڭگە

ادىل باعا فەرمەرلەرگە شىعىندارىن جابۋعا, وندىرىس تيىمدىلىگىن ساقتاۋعا جانە قازاقستاندىق استىقتىڭ حالىقارالىق نارىقتاعى ورنىن نىعايتۋعا جول اشادى.

جاڭا ماۋسىمدا داستۇرلى ەكسپورت باعىتتارى – وزبەكستان, اۋعانستان, قىتاي, يران جانە تاجىكستان ساقتالسا, استىق سولتۇستىك افريكا, پارسى شىعاناعى مەن وڭتۇستىك-شىعىس ازييا ەلدەرىنە, سونداي-اق قارا جانە بالتىق تەڭىزى پورتتارىنا ترانزيت ارقىلى جەتكىزىلەدى.

استىق باعاسىنىڭ تۇراقتىلىعىن ساقتاۋ ۇشىن كولىك شىعىندارىن وتەۋگە ارنالعان سۋبسيدييالار 2026 جىلعى قىركۇيەككە دەيىن ۇزارتىلدى. بۇل شەشىم وتكەن ماۋسىمداعى وڭ تاجىريبەلەردى ەسكەرە وتىرىپ, ۇكىمەت تاراپىنان قابىلداندى.

باعدارلاماعا قاتىسۋشىلار قوسىمشا اقپاراتتى مىنا مەكەنجايلاردان الا الادى:

• كوكشەتاۋ: نۇرسۇلتان نازارباەۆ داڭعىلى, 19, تەل. (8-716-2) 55-11-51, 55-11-54, 42-25-22
• وسكەمەن: بەيبىتشىلىك كوشەسى, 30, 206-كەڭسە, تەل. (8-723-2) 25-95-67, 56-06-57
• قوستاناي: تاۋەلسىزدىك كوشەسى, 147, تەل. (8-714-2) 53-11-44, 53-12-44, 54-28-20
• پەتروپاۆل: پارتيزانسكايا كوشەسى, 160, تەل. (8-715-2) 55-11-60, 42-22-66