Bügin mäjilistiñ jalpı otırısında deputattar jaña Qwrılıs kodeksiniñ jobasın talqılap, qwrılıs nısandarınıñ eñ tömengi kepildik merzimin eki jıldan bes jılğa deyin wlğaytu normasın maqwldadı, dep habarlaydı Shalqar.kz.

Bwl şara qoldanılatın qwrılıs materialdarınıñ sapasın, jobanı äzirleu procesin, tapsırıs beruşi men merdigerdiñ jauapkerşiligin jaqsartıp, twtastay alğanda salınğan ğimarattardıñ önimdiligin arttıradı.

Bwl rette deputattar qwrılımğa, şatırğa, qasbetke bölek on jıl kepildik merzimin belgileudi wsınıp otır. Bwl wsınıs ekinşi oqılımğa deyin qarastırıladı.

Sonday-aq qwrılıstı josparlauda seysmikalıq aymaqtarğa bölu kartaları qoldanıladı.

Bwl qwrılıstı josparlau kezinde barınşa qauipsiz şeşimder qabıldauğa, tabiği apattardan bolatın ıqtimal zalaldı azaytuğa mümkindik beredi.

Atalğan kartalar tek seysmikalıq qauiptilik deñgeyin ğana emes, gidrogeologiyalıq jäne naqtı aymaqtardağı topıraq jağdayların eskeredi. Bwl mıqtı irgetas, jer silkinisinen qorğau sındı arnayı injenerlik şeşimderdi qoldanu arqılı qauip-qater bar jerlerde qwrılıs saluğa mümkindik beredi.

Sonımen qatar zañda arnayı retteuge jatatın salalardı anıqtau mehanizmi engiziledi. Bwl aymaqtar üşin arnayı erejeler belgilengen. Asa qauipti aymaqtarda twrğın üyler saluğa tıyım salınadı, al basqalarında konstruktivti şeşimder men injenerlik qorğanıs qoldanu mindetti boladı.

Bwl şaralar qwrılıs qauipsizdigin arttıruğa jäne azamattardıñ ömiri men densaulığın saqtau maqsatında jüzege asırıldı.