قازاقستانداعى العاشقى اتوم ەلەكتر ستانتسيياسىنا اتاۋ بەرۋ كونكۋرسىنا 27 000-نان استام ادام قاتىستى, دەپ حابارلايدى قازاقستان اتوم ەنەرگيياسى جونىندەگى اگەنتتىگىنە سىلتەمە جاساعان Shalqar.kz.

بايقاۋ 2025 جىلعى 25 قىركۇيەكتە ساعات 12:00-دە eGov Mobile موبيلьدى قوسىمشاسىندا باستالعان بولاتىن.

ەكى اپتا ىشىندە – 10 قازان, ساعات 23:59-عا دەيىن قازاقستاندىقتار 27 مىڭنان استام ۇسىنىس جولدادى.

"مۇنداي جوعارى بەلسەندىلىك ازاماتتاردىڭ اتوم ەنەرگەتيكاسىن دامىتۋعا دەگەن زور قىزىعۋشىلىعىن جانە ەل ۇشىن ماڭىزدى جوباعا جەكە ۇلەس قوسۋعا دايىن ەكەنىن كورسەتەدى.

قازىرگى ۋاقىتتا كەلىپ تۇسكەن ۇسىنىستاردى وڭدەۋ پروتسەسى باستالدى. العاشقى كەزەڭدە ماماندار بارلىق نۇسقانى تالداپ, جۇيەلەۋ جۇمىستارىن جۇرگىزەدى جانە جيىنتىق ەسەپ دايىندايدى. كەيىن ماتەريالدار كونكۋرس كوميسسيياسىنىڭ مۇشەلەرى تاراپىنان قارالادى. قورىتىندى كەزەڭدە قازان ايىنىڭ سوڭىندا, كوميسسييا وتىرىسى وتكىزىلىپ, العاشقى اەس-كە ۇزدىك اتاۋ تاڭدالادى", - دەيدى اگەنتتىك وكىلدەرى.