Soñğı 15 jılda elimizde mümkindigi şekteuli balalardıñ sanı eki eseden astam ösip, büginde şamamen 117 mıñğa jetti. Olardıñ işinde 11,8 mıñı – autizm spektrindegi bwzılıstarı bar balalar. Erekşe qajettilikteri bar balalarğa uaqtılı jäne sapalı kömek körsetu mäselesi «AMANAT» partiyası janındağı Mügedektigi bar adamdardıñ inklyuziyası jönindegi respublikalıq keñestiñ otırısında qaraldı, dep habarlaydı Shalqar.kz.

Jiında talqılanğanğan negizgi bağıttardıñ biri – erte aralasu jüyesin damıtu. Büginde elimizde «AMANAT» partiyasınıñ saylaualdı bağdarlaması ayasında aşılğan 200-den astam ortalıq jwmıs isteydi. Bwl ortalıqtardıñ mindeti – balanıñ damu erekşelikterin erte kezden anıqtap, keşendi qoldau körsetu.

Osı rette partiya hatşısı Şolpan Karinova bilim jäne densaulıq saqtau salaları arasındağı özara nätijeli jwmıstıñ jetkiliksizdigi saldarınan jüyeniñ tiimdiligi tömendegenin atap ötti.

«Bilim jäne densaulıq saqtau vedomstvoları arasında özara jwmıs jüyeli jürgizilmegendikten, balalar qajetti kömekti uaqıtında ala almay otır. Biz är balağa balabaqşadan bastap mektepke deyin jäne odan keyin de jeke qoldau körsetu jüyesine köşuimiz kerek. Kem degende pilottıq rejimde qoldanısqa engizu kerek. Sonda ğana är balanıñ äleumettik beyimdeluin jäne jeke twlğa retinde damuın bayqay alamız», – dedi ol. 

Öz kezeginde Mäjilis deputatı, Keñes törağasınıñ orınbasarı Natal'ya Dement'eva ata-analardan kelip tüsetin şağımdardıñ köp ekenin atap ötti.

Otırıstıñ qorıtındısı boyınşa Keñes erekşe balalardı qoldaudıñ qoljetimdi türlerin damıtu jöninde birqatar wsınıstar ayttı. Atap aytqanda, oñaltu ortalıqtarına balama retinde psihologiyalıq-pedagogikalıq tüzetu kabinetteriniñ jelisin keñeytu, autizm spektrindegi balalarğa arnalğan kündizgi beyimdeu mümkindigin qarastıru, bilim beru bağdarlamaların jetildiru jäne minez-qwlıq taldauşısı mamandığın engizu wsınıldı. Sonımen qatar qatısuşılar qazaq tilindegi oqu-ädistemelik materialdardıñ tapşılığın jäne şağın jeke ortalıqtardıñ qarjılıq twraqsızdığın da köterdi. Barlıq wsınıstar jinaqtalıp, «AMANAT» partiyası tarapınan baqılauğa alındı.