Astanada ötken halıqaralıq Digital Bridge 2025 forumında qazaqstandıq Sergek Group IT-kompaniyalar tobı öz stendinde keluşiler arasında interaktivti saualnama ötkizdi, dep habarlaydı Shalqar.kz.

Nätijeler körsetkendey, twrğındardıñ basım böligi jasandı intellekt (JI) aldağı birneşe jılda «aqıldı qalalardıñ» damuın jedeldetetin negizgi qozğauşı küşke aynaladı dep senedi.

Saualnamağa tört mıñnan astam adam qatıstı. Olardıñ üşten biri – IT-kompaniya qızmetkerleri. Sonımen qatar, saualnamağa studentter, memlekettik qızmetkerler, biznes ökilderi, startap ieleri men frilanserler de qatısqan.
92% respondent JI-di kün sayın, köbine jwmıs pen taldau üşin qoldanatının aytqan.

Respondentterdiñ 57%-ı jasandı intellekt jaqın uaqıtta ömirdiñ barlıq salasına – densaulıq saqtau, bilim men ğılım, biznes, memlekettik basqaru, qauipsizdik pen kölik infraqwrılımına eleuli özgeris äkeletinine senimdi.

Al saualnamağa qatısqandardıñ jartısınan köbi AI qalalardı bes jıl işinde tolıq «aqıldı» jüyege aynaldıradı dep sanaydı.

Digital Bridge forumı – Ortalıq Euraziyadağı eñ iri tehnologiyalıq is-şaralardıñ biri.

Forum jıl sayın älemdegi IT-industriya köşbasşıların, tehnologiyalıq innovatorlardı, investorlardı, memlekettik organdar, vençurlik qorlar men startap-ekojüye ökilderin biriktirip, cifrlıq transformaciya, jasandı intellekt jäne tehnologiyalıq seriktestik salalarındağı jahandıq ürdisterdi talqılauğa mümkindik beredi.