Memleket basşısı Qasım-Jomart Toqaev Parlamenttik reforma jönindegi jwmıs tobınıñ alğaşqı otırısında Konstituciyağa özgeris engizetinin ayttı, dep habarlaydı Shalqar.kz Aqordağa silteme jasap.

Prezidenttiñ aytuınşa, Parlamenttik reforma – asa kürdeli äri jauaptı jwmıs. Ol bwl üderiste asığıstıqqa jol beruge bolmaytının atap ötti.

«Memleket basşısı retinde men üşin Parlament – elimizdegi sayasi jüyeniñ negizgi tiregi. Sondıqtan aldımen Konstituciyağa birqatar özgeris engizu qajet boladı. 

Negizgi zañnıñ 40-qa juıq babı özgeredi. Sodan soñ kem degende 10 konstituciyalıq zañğa jäne 50-den astam kodeks pen zañğa tüzetu engizu kerek boladı. Mwnı jaña Konstituciya qabıldaumen teñ keletin is deuge boladı. 

Ärine, bwl jwmıstıñ bärin taban astında, bir sätte jüzege asıru mümkin emes. Tıñğılıqtı dayındıq kerek. 

Sondıqtan aldağı reformanıñ keybir konceptualdı twstarına qatıstı oy-pikirimdi bildirgim keledi», – dedi Prezident.

Memleket basşısı sonday-aq aldağı reforma kezeñ-kezeñimen jüzege asatının jäne onıñ eldiñ sayasi jüyesin jañğırtudıñ qisındı jalğası bolatının ayttı.

«Birinşiden, biz barlıq reformanı tek evolyuciyalıq jolmen jürgizemiz. YAğni azamattardıñ swranısı, töl erekşeligimiz ben elimizdiñ tüpki müddesi eskeriledi.

Parlamenttik reforma kezeñ-kezeñimen iske asırılıp kele jatqan auqımdı sayasi jañğırudıñ qisınına say keledi.

Esteriñizde bolsa, sayasi reformalardıñ tört paketi ayasında parlamenttik oppoziciya turalı norma bekitilgen edi. Onda ökilderi az partiyağa Mäjilistiñ twraqtı komitetteriniñ birinde törağalıq lauazım atqaru jäne parlamenttik tıñdau ötkizu turalı bastama köteru qwqığına kepildik berildi.

Eske salayıq, Qasım-Jomart Toqaev 8 qırküyektegi halıqqa Joldauında Qazaqstanda bir palatalı Parlament qwru mümkindigin atap ötken edi. Onıñ aytuınşa, sayasi reformalar qoğamnıñ naqtı swranısına say kezeñ-kezeñimen jüzege asırıladı.