Astanada aqılı avtotwraqtar üşin tölem jüyesi özgeredi. Jaña erejege säykes, kölikti birneşe minutqa qoysañız, tolıq bir sağattıñ qwnın tölemeysiz. Tek naqtı twrğan uaqıtına aqşa alınatın boladı, dep habarlaydı, Shalqar.kz.

Jaña ereje äzirge küşine engen joq. Sebebi qalada avtotwraqqa qızmet körsetip otırğan jeke kompaniyamen jasalğan kelisimşart äli bwzılmağan. Tek sol tolıq toqtağan soñ ğana, minutpen tölem jüyesi resmi türde iske qosıladı.

Bwl jañaşıldıq jürgizuşiler üşin öte tiimdi dep otır jauaptılar. Qazir äkimdik qajetti özgeristerdi zañ jüzinde räsimdep, jaña jüyege tehnikalıq dayındığın jürgizip jatır.

Sonımen qatar beynebaqılau jäne kölik nömirin tanu qwrılğıları da ornatıladı dep josparlanğan.

"Jabıq twraqtar üşin alğaşqı 15 minut tegin boladı (jolauşını alıp ketu nemese qısqa merzimge kiru üşin). Eger jürgizuşi twraqta 15 minuttan artıq twrsa, tölem sağatına 300 teñge mölşerinde alınadı. Aşıq (köşe boyındağı) twraqtar üşin tarif özgerissiz qaladı jäne sağatına 100 teñge mölşerinde belgilengen", - deydi Jol qozğalısın wyımdastıru ortalığı direktorınıñ orınbasarı Ruslan Ömirbekwlı.