Respublika küni qarsañında Jetisu oblısında öñirdiñ 8 audanı men 2 qalasınıñ auıl şaruaşılığı tauar öndiruşileriniñ qatısuımen järmeñke ötti, – dep habarlaydı Jetisu oblısı äkiminiñ baspasöz qızmetine silteme jasağan Shalqar.kz tilşisi.

Oblıs ortalığı Taldıqorğan qalasında ötken järmeñkege oblıs äkiminiñ birinşi orınbasarı Älibek Jaqanbaev qatıstı.

Taldıqorğan twrğındarı men qala qonaqtarı järmeñkede auıl şaruaşılığı tauar öndiruşilerinen tikeley qoljetimdi bağada balğın äri sapalı önimderdi satıp aluğa mümkindik aldı.

Järmeñkede jalpı kölemi şamamen 137 tonna bolatın 54 türli önim wsınıldı. Atap aytqanda, 19,1 tonna kökönis, 12,1 tonna et, 3,5 tonna balıq, 1,4 tonna süt önimderi, 20,4 tonna kartop, 7,7 tonna jemis-jidek, 4 tonna qant, 0,8 tonna bal jäne şamamen 72 tonna basqa da türli önimder saudalandı.

Satuşılar men keluşiler järmeñkeniñ qos tarapqa da tiimdi ekenin jetkizdi.

– Bizde tauıq etinen jasalğan önimniñ tür-türi bar, sonımen qatar jwmırtqanıñ birneşe sortın wsındıq. Järmeñkege 100 kg tauıq eti, 50 kg balapan eti jäne qosımşa subönimder alıp keldik. Önimderimizge degen swranıs joğarı, bwl önimniñ sapalılığı men bağasınıñ qoljetimdi bolğanınıñ arqasında dep oylaymın. Mısalı, bir dana jwmırtqanıñ bağası 25 teñge men 55 teñgeniñ aralığında, – deydi «Koger LTD» JŞS firmalıq dükeniniñ satuşısı Aygül Satıbaldina.

– Biz järmeñkege 7 qoydıñ etin alıp keldik. Mal şaruaşılığımen 10 jıldan beri aynalısamız. Taldıqorğandıqtardıñ bizdiñ önimimizge riza bolatınına senemiz, – dedi Aqsu audanınıñ fermeri Serikbol Qayratbek.

– Biz önimderdiñ san türi men tömen bağalarına riza boldıq. Bäri de ädemi, wqıptı qoyılğan, köz süysinedi. Et, balıq, kökönis satıp aldıq. Osınday järmeñkeler jii wyımdastırılsa eken deymiz. Mereke qarsañında halıq igiligi üşin auıl şaruaşılığı järmeñkesiniñ ötkizilgenine quanamız, – dedi taldıqorğandıq Pogorelovtar otbası.

Negizgi azıq-tülik tauarlarınıñ bağasın twraqtandıru jäne otandıq öndiruşilerdi qoldau maqsatında Taldıqorğanda wyımdastırılğan järmeñkede 128,8 million teñgeden astam somağa auıl şaruaşılığı önimderin satu josparlanğan.