الماتى قۇرىلىس-تەحنيكالىق كوللەدجىنىڭ 3 كۋرس ستۋدەنتتەرى عابباس بايازيتوۆ, گەورگيي شيكين, نازيم اليەۆ اۆتوماتتاندىرۋ ۇدەرىستەرى, سەنسورلىق باقىلاۋ جانە جاساندى ينتەللەكت ەلەمەنتتەرى بىرىكتىرىلگەن «اقىلدى جىلىجاي» پروتوتيپىن ويلاپ تاپتى – دەپ حابارلايدى وقۋ-اعارتۋ مينيسترلىگىنىڭ باسپاسوز قىزمەتىنە سىلتەمە جاساعان Shalqar.kz.

IoT قۇرىلعىلارى مەن باعدارلامالىق جاساقتامانىڭ ينتەگراتسيياسىنىڭ ارقاسىندا جىلىجاي ميكروكليماتتى, جارىقتاندىرۋ مەن سۋارۋدى وزدىگىنەن رەتتەي الادى. جوبا وسىمدىكتەردى وسىرۋ تيىمدىلىگىن ارتتىرۋعا جانە ونى كۇتىپ-باپتاۋعا ادامنىڭ ارالاسۋىن بارىنشا ازايتۋعا باعىتتالعان.
ايتا كەتۋ كەرەك, جاساندى ينتەللەكتتى پايدالانۋ دەرەكتەردى تالداۋعا, وسىمدىكتەردىڭ قاجەتتىلىكتەرىن بولجاۋعا جانە جاعدايلاردى ناقتى ۋاقىتتا بەيىمدەۋگە مۇمكىندىك بەرەدى.

«بۇل جوبا ستۋدەنتتەردىڭ يننوۆاتسيياعا دەگەن ۇمتىلىسىنىڭ ناتيجەسى. وندىرىستىك وقىتۋ شەبەرلەرىنىڭ جەتەكشىلىگىمەن ستۋدەنتتەر وزدەرىنىڭ تەحنيكالىق دايارلىقتارى مەن ينجەنەرلىك ويلاۋ قابىلەتتەرىنىڭ جوعارى دەڭگەيىن كورسەتتى. جوبانى جاساۋ بارىسىندا ولار مۇنداي جۇيەگە دەگەن سۇرانىستى تالداپ, اگروتەحنيكا مەن تسيفرلاندىرۋ سالاسىنداعى زاماناۋي تەحنولوگييالاردى زەرتتەپ, جىلىجايدىڭ جۇمىسىن وڭتايلاندىرۋ ۇشىن ماشينالىق وقىتۋ الگوريتمدەرىن ەنگىزدى», – دەيدى جوبا جەتەكشىسى شەرنيياز كابدۋشەۆ.

ەنەرگوۇنەمدىلىك پەن جۇيەنىڭ تۇراقتىلىعىنا ەرەكشە مان بەرلىگەن, جىلىجاي كۇن پانەلьدەرىمەن جابدىقتالعان, ال باعدارلامالىق قامتاماسىز ەتۋ جۇيەسى ينتەرنەتكە شەكتەۋلى قولجەتىمدىلىك جاعدايىندا دا جۇمىس ىستەي الاتىنداي ەتىپ جاسالعان.

ستۋدەنتتەر جوبانى ودان ارى دامىتۋدى جوسپارلاپ وتىر. الداعى ۋاقىتتا قاشىقتىقتان باقىلاۋعا ارنالعان موبيلьدى قوسىمشا جاساپ, سەنسورلىق جۇيەنىڭ فۋنكتسيونالىن كەڭەيتۋ كوزدەلۋدە.