قازاقستان قالالارىندا ينتەرنەتكە بىرىڭعاي قاۋىپسىز قولجەتىمدىلىكتى قامتاماسىز ەتەتىن ۇلتتىق Wi-Fi وپەراتورىن ىسكە قوسۋ كوزدەلىپ وتىر. بۇل تۋرالى ۇكىمەت وتىرىسىندا ايتىلدى, دەپ حابارلايدى Shalqar.kz.

ۇكىمەتتىڭ باسپاسوز قىزمەتىنىڭ مالىمەتىنشە, ۇلتتىق Wi-Fi وپەراتورى الەۋمەتتىك ماڭىزى بار نىسانداردا ناقتىراق ايتساق, شەكارا بەكەتتەرىندە, اۋەجايلاردا, تەمىرجول جانە اۆتوۆوكزالداردا, سونداي-اق مەكتەپتەر مەن مەديتسينالىق مەكەمەلەردە ىسكە قوسىلادى.

"بىز قۇرىپ جاتقان ينفراقۇرىلىم قازاقستاننىڭ جي-ەكونوميكانى قالىپتاستىرۋ باعىتىن قولداي وتىرىپ, جاساندى ينتەللەكت نەگىزىندە تسيفرلىق سەرۆيستەر مەن شەشىمدەردى دامىتۋ پلاتفورماسىنا اينالۋدا", - دەدى Freedom Telecom Operations كومپانيياسىنىڭ باسشىسى قايرات احمەتوۆ.

بىرىنشى كەزەڭدە جوبا 10 قالادا 400 ورىندى قامتيدى. 2026 جىلعا قاراي جەلىنى 10 مىڭ قوسۋ نۇكتەسىنە دەيىن, ال 2027 جىلعا قاراي 20 مىڭعا دەيىن كەڭەيتۋ جوسپارلانىپ وتىر.