مەملەكەت باسشىسى تەلەكوپىر ارقىلى KIA Qazaqstan اۆتوموبيلь زاۋىتىن اشتى. زاۋىتتىڭ اشىلۋ راسىمىندە سوز سويلەگەن قاسىم-جومارت توقاەۆ ەندى ازاماتتارعا اۆتوكولىكتى ليزينگپەن الۋ مۇمكىندىگى ۇسىنىلاتىنىن ايتتى. بۇل تۋرالى اقورداعا سىلتەمە جاساعان Shalqar.kz حابارلايدى.

پرەزيدەنت جاقىندا ۇكىمەتكە ەكونوميكالىق احۋالدى تۇراقتاندىرۋ ۇشىن ناقتى شارالار ازىرلەۋ تۋرالى تاپسىرما بەرىلىپ, وسىعان بايلانىستى بىرقاتار ماڭىزدى شەشىم قابىلدانعانىن اتاپ وتتى.

"سوعان سايكەس ەندى ازاماتتارعا اۆتوكولىكتى ليزينگپەن الۋ مۇمكىندىگى ۇسىنىلادى. سونىڭ ارقاسىندا اۆتوكولىكتەر حالىققا مەيلىنشە قولجەتىمدى بولا تۇسپەك. ەلىمىزدە KIA Qazaqstan زاۋىتىنىڭ ىسكە قوسىلۋى وسى سالانى تەحنولوگييالىق تۇرعىدان جاڭعىرتۋعا زور سەرپىن بەرەرى سوزسىز.

كاسىپورىن بولاشاقتا باسقا دا جاڭا كولىك تۇرلەرىن شىعارادى دەپ سەنەمىن. وسىلايشا, الەمدىك وزىق تالاپتارعا ساي كولىكتەرىمىزدى سىرتقى نارىققا, ياعني شەتەلگە شىعارۋعا مۇمكىندىك بولماق. قازاقستان جاھاندىق اۆتوكولىك ونەركاسىبىنىڭ دامۋىنا بار كۇش-جىگەرىن سالۋعا دايىن", - دەدى مەملەكەت باسشىسى.

اقوردانىڭ مالىمەتىنشە, KIA Qazaqstan زاۋىتىن سالۋ تۋرالى شەشىم 2023 جىلى قابىلدانعان. كاسىپورىن قوستاناي قالاسىنىڭ يندۋسترييالىق ايماعىنداعى 62,95 گەكتار اۋماقتا ورنالاسقان. زاۋىت جىلىنا 70 مىڭ كولىك وندىرە الادى. ينۆەستيتسييا كولەمى – 131,5 ميلليارد تەڭگە. كاسىپورىندا 1500 جۇمىس ورنى اشىلعان. ال ونىڭ ونىمى قازاقستانعا, ورتالىق ازييا جانە ەاەو ەلدەرىنىڭ نارىقتارىنا شىعارىلادى.