Memleket basşısı teleköpir arqılı KIA Qazaqstan avtomobil' zauıtın aştı. Zauıttıñ aşılu räsiminde söz söylegen Qasım-Jomart Toqaev endi azamattarğa avtokölikti lizingpen alu mümkindigi wsınılatının ayttı. Bwl turalı Aqordağa silteme jasağan Shalqar.kz habarlaydı.

Prezident jaqında ükimetke ekonomikalıq ahualdı twraqtandıru üşin naqtı şaralar äzirleu turalı tapsırma berilip, osığan baylanıstı birqatar mañızdı şeşim qabıldanğanın atap ötti.

"Soğan säykes endi azamattarğa avtokölikti lizingpen alu mümkindigi wsınıladı. Sonıñ arqasında avtokölikter halıqqa meylinşe qoljetimdi bola tüspek. Elimizde KIA Qazaqstan zauıtınıñ iske qosıluı osı salanı tehnologiyalıq twrğıdan jañğırtuğa zor serpin bereri sözsiz.

Käsiporın bolaşaqta basqa da jaña kölik türlerin şığaradı dep senemin. Osılayşa, älemdik ozıq talaptarğa say kölikterimizdi sırtqı narıqqa, yağni şetelge şığaruğa mümkindik bolmaq. Qazaqstan jahandıq avtokölik önerkäsibiniñ damuına bar küş-jigerin saluğa dayın", - dedi memleket basşısı.

Aqordanıñ mälimetinşe, KIA Qazaqstan zauıtın salu turalı şeşim 2023 jılı qabıldanğan. Käsiporın Qostanay qalasınıñ industriyalıq aymağındağı 62,95 gektar aumaqta ornalasqan. Zauıt jılına 70 mıñ kölik öndire aladı. Investiciya kölemi – 131,5 milliard teñge. Käsiporında 1500 jwmıs ornı aşılğan. Al onıñ önimi Qazaqstanğa, Ortalıq Aziya jäne EAEO elderiniñ narıqtarına şığarıladı.