قازاقستاندا ەڭ تومەنگى جالاقى (ەتج) مولشەرىن ارتتىرۋ ۇسىنىلدى, - دەپ حابارلايدى Shalqar.kz تىلشىسى.

2025 جىلى قازاقستانداعى ەڭ تومەنگى جالاقى 85 مىڭ تەڭگە بولىپ بەلگىلەنگەن.
بۇگىن ماجىلىستە 2026–2028 جىلدارعا ارنالعان رەسپۋبليكالىق بيۋدجەت تۋرالى زاڭ جوباسى قارالىپ جاتىر. قۇجاتقا بەرىلگەن قورىتىندىدا دەپۋتاتتار ەتج مولشەرىن كوتەرۋدى ۇسىنعان.

"الەۋمەتتىك-مادەني دامۋ كوميتەتى (ماجىلىس جانىنداعى – ەسك.) ەڭ تومەنگى جالاقىنى 85 000 تەڭگەدەن 110 000 تەڭگەگە دەيىن كوتەرىپ, قايتا قاراۋ قاجەت دەپ سانايدى", - دەلىنگەن قۇجاتتا.

ەڭ تومەنگى جالاقى (ەتج) - بۇل زاڭمەن بەلگىلەنگەن ايلىق ەڭ از ەڭبەك اقىسى, ياعني جۇمىس بەرۋشى تولىق ايلىق جۇمىس ۇشىن قىزمەتكەرگە وسى مولشەردەن از تولەمەۋى تيىس.