Bwl turalı Usi qalasında Düniejüzilik taekvondo (WT) federaciyasınıñ Älem çempionatı ayasındağı jiınında belgili boldı, dep habarlaydı Shalqar.kz tilşisi.

Qazaqstan 2027 jılğı Älem çempionatın ötkizuge ümitker elderdiñ qatarında bolğan. Jiın barısında Düniejüzilik taekvondo federaciyası men oğan müşe elderdiñ ökilderi Qazaqstannıñ kandidaturasın birauızdan qoldadı.

Qazaqstandı taekvondodan Älem çempionatın qabıldauğa qauqarlı elmiz dep sanaymın. Biz kez kelgen jarıstı joğarı därejede, älemdik talaptarğa say qabılday alatınımızdı Astanada ötken «Kazakhstan Open» jarısında däleldedik dep oylaymın. Tamız ayında ötken halıqaralıq jarısımızğa 700-den astam sportşı qatıstı. Odan bölek, Düniejüzilik taekvondo federaciyasınıñ prezidenti doktor Çungvon Çou mırzadan bastap, jarısımızğa qonaq bolğan barlıq ökil joğarı bağaladı, - deydi Qazaqstandıq taekvondo (WT) federaciyasınıñ prezidenti Qwdiret Şamiev.

Qazaqstan Orta Aziyada taekvondodan (WT) Älem çempionatın qabıldaytın alğaşqı el bolıp tirkeldi. Federaciya 2027 jılğı Älem çempionatın Astana qalasında ötkizudi josparlap otır.

2028 jılğı Los-Andjeleste ötetin Jazğı Olimpiada oyındarı aldındağı şeşuşi äri jauapkerşiligi mol Älem çempionatın elimizde ötkizu biz üşin ülken märtebe. Elimizdiñ atın düniejüzilik taekvondo kartasında belgileytinimizge quanıştımız! Barşa Qazaq elin osınday süyinşi jañalıqpen qwttıqtaymın. Bwl bizdiñ jwmıla atqarğan jwmısımızdıñ jemisiniñ biri, - dedi ol.

Ayta keteyik, qazirgi tañda Usi qalasına älemniñ 179 elinen 991 taekvondoşısı 2025 jılğı Älem çempionatına qatısuğa jinaldı. 24-30 qazan aralığında ötetin älem birinşiliginde el namısın 16 taekvondoşı qorğaydı.