Qazaqstanda birneşe mamandıq pen lauazımdardıñ ortaşa aylıq jalaqısı 10 million teñgeden asadı. Bwl Wlttıq statistika byurosınıñ joğarı tabıstarğa arnalğan saualnaması nätijesinde belgili bolğan, dep habarlaydı Shalqar.kz tilşisi.

Mamandardıñ aytuınşa, mwnday joğarı tabıstar köbinese qarjı sektorında, qwrılıs salasında jäne äue köligi kompaniyaların basqaruda kezdesedi.

Qarjı jäne saqtandıru

Qarjı qızmetteri men saqtandıru salasındağı qosalqı qızmetterde kompaniyanı damıtu basqarması basşılarınıñ ortaşa aylıq jalaqısı:

Äyelder üşin – 16,9 mln teñge

Erler üşin – 2,7 mln teñge

Qarjılıq deldaldıq salasında (saqtandıru men zeynetaqını qospağanda) basqarma törağalarınıñ ortaşa tabısı:

Äyelder – 11 mln teñge

Erler – 3,7 mln teñge

Mindetti emes saqtandıru jäne zeynetaqı qamtamasız etuimen aynalısatın wyımdardıñ qarjı-ekonomikalıq bölimderin basqaratın erler – ayına 14,9 mln teñge tabadı.

Qwrılıs

Mamandandırılğan qwrılıs jwmıstarı salasında tau injeneri retinde jwmıs isteytin erlerdiñ ortaşa jalaqısı – 12 mln teñge

Ğimarattar qwrılısı boyınşa jobalau jäne izdestiru wyımdarınıñ direktorları – şamamen 11,5 mln teñge

Äue köligi

Äue köligi kompaniyalarınıñ bas direktorlarınıñ ortaşa aylıq jalaqısı – 10,4 mln teñge. Bwl kategoriyadağı ülgi tek er adamdardı qamtidı.

Sarapşılar atap ötkendey, körsetkiş top işindegi ortaşa jalaqılarğa qatıstı, yağni naqtı bir qızmetkerdiñ tabısı osı männen tömen nemese äldeqayda joğarı boluı mümkin.