Almatıda biregey nısan – biik taulı sport keşeni "Medeudi" jañartu jwmıstarı bastaldı, - dep habarlaydı Shalqar.kz tilşisi.

Vedomstvo mälimetineşe, qazir dayındıq kezeñi jürip jatır, aldağı uaqıtta qwrılıs aymağı qorşalıp, negizgi jwmıstar bastaladı.

"Joba ayasında mwz aydınına arnalğan jaña toñazıtqış jüyesi ornatıladı, injenerlik kommunikaciyalar tolıq jañartılıp, keşen gazben qamtamasız etiledi. Mwzdıñ sapası men jağdayın naqtı uaqıt rejiminde baqılaytın jasandı intellekt jüyesi energiya twtınuın 25 payızğa deyin azaytuğa mümkindik beredi", - delingen habarlamada.

Sonday-aq, körermenderge arnalğan jılı äri jeke retteletin orındıqtar qoyıladı.

Zamanaui sporttıq jäne sauıqtıru keşenin jasauğa erekşe köñil bölingen. Bwrınğı maşina zalınıñ mañında kölemi 25×15 metr, jılı suı bar aşıq basseyn salınadı.

"Keluşilerdiñ ıñğayı üşin tribuna men qabıldau bölmesi, kiim auıstıratın bölmeler jäne t.b. qızmet körsetu ğimaratı qarastırılğan. Bwl jaña basseyn jıl boyı jwmıs istep, qala twrğındarı men turisterge tau baurayında taza auada jüzu mümkindigin wsınadı".

Keşenniñ aynalasında seruen joldarı bar erekşe ekopark salu josparlanğan.

"Ol jerden jasandı sarqırama, Kişi Almatı özeni men taudıñ äsem körinisin tamaşalauğa boladı. Negizgi nısandardı jäne jaña demalıs aymaqtarın baylanıstıratın şığıs jäne batıs bağıttarda jürginşilerge arnalğan eki köpir salınadı".

Sonday-aq, jergilikti klimatqa tözimdi jaña ağaştar men bwtalar egilip, bükil aumaq zamanaui jarıqtandıru jäne säulettik şamdarmen bezendiriledi. Mümkindigi şekteuli jandarğa ıñğaylı boluı üşin eki jolauşı jedel satı ornatıladı.

"Bwl jwmıstar 2027 jıldıñ 4-şi toqsanına tolıq bitedi dep josparlanıp otır", - delingen habarlamada.