اتالعان جوبالاردىڭ جۇزەگە اسۋى – مەملەكەت باسشىسى قاسىم-جومارت توقاەۆتىڭ ادامي كاپيتالدى دامىتۋ مەن بالالاردىڭ ساپالى بىلىم الۋىنا قولايلى جاعداي جاساۋعا باعىتتالعان دايەكتى ساياساتىنىڭ جەمىسى.

رەسپۋبليكا كۇنى قارساڭىندا الماتى قالاسىندا بىر مەزەتتە تورت زاماناۋي مەكتەپتىڭ سالتاناتتى اشىلۋى وتتى. بۇل بىلىم وردالارى «AMANAT» پارتيياسىنىڭ «حالىقپەن بىرگە!» سايلاۋالدى باعدارلاماسى مەن «كەلەشەك مەكتەپتەرى» جوباسى اياسىندا بوي كوتەردى, – دەپ حابارلايدى Shalqar.kz.

جاڭا وقۋ ورىندارى قالانىڭ ارتۇرلى اۋداندارىندا ورنالاسقان: №219 مەكتەپ ناۋرىزباي اۋدانىنداعى قۇرامىس شاعىناۋدانىندا, №220 مەكتەپ مەدەۋ اۋدانىندا, قۇلجا تراكتىسىندە, №221 مەكتەپ تە ناۋرىزباي اۋدانىندا, ال №222 مەكتەپ الاتاۋ اۋدانىندا وز جۇمىسىن باستادى. بۇل نىساندار الماتى قالاسىندا بىلىم ينفراقۇرىلىمىن جاڭعىرتۋ جانە ۇش اۋىسىمدى وقىتۋدى جويۋ باعىتىنداعى جۇيەلى جۇمىستىڭ ناقتى ناتيجەسى.

اتالعان جوبالاردىڭ جۇزەگە اسۋى – مەملەكەت باسشىسى قاسىم-جومارت توقاەۆتىڭ ادامي كاپيتالدى دامىتۋ مەن بالالاردىڭ ساپالى بىلىم الۋىنا قولايلى جاعداي جاساۋعا باعىتتالعان دايەكتى ساياساتىنىڭ جەمىسى.

«AMANAT» پارتيياسى مەن الماتى قالاسى اكىمدىگىنىڭ بىرلەسكەن ەڭبەگىنىڭ ناتيجەسىندە 2024-2025 وقۋ جىلىندا 12 مىڭنان استام وقۋشىعا ارنالعان 7 جاڭا مەكتەپ پايدالانۋعا بەرىلدى. بۇل – پارتييانىڭ سايلاۋالدى ۋادەلەرىن ورىنداۋدىڭ جانە «سوزدەن ىسكە» قاعيداتىن ناقتى ىس جۇزىندە دالەلدەۋدىڭ ايقىن كورىنىسى.

«بۇگىن بىز پرەزيدەنتتىڭ يدەيالارى مەن پارتييانىڭ سايلاۋالدى ماقساتتارىنىڭ ناقتى جوبالار ارقىلى جۇزەگە اسىپ جاتقانىن كورىپ وتىرمىز. اربىر جاڭا مەكتەپ – بۇل مىقتى, بىلىمدى ارى باسەكەگە قابىلەتتى ۇرپاققا جاسالعان قادام, ەلىمىزدىڭ جارقىن بولاشاعىنا قوسىلعان ۇلەس», – دەدى ول.

سونداي-اق №221 جالپى بىلىم بەرەتىن مەكتەپ اۋلاسىندا رەسپۋبليكا كۇنى مەرەكەسىنە وراي ەرەكشە اكتسييا ۇيىمداستىرىلدى. وقۋشىلار, ۇستازدار جانە اتا-انالار مەكتەپ اۋلاسىندا 35 تۇيە اعاشىن (تۋيا) وتىرعىزدى. بۇل يگى ىس ەلىمىزدىڭ 35 جىلدىق تاۋەلسىزدىك تاريحىنداعى وسىپ-وركەندەۋدىڭ, كەلەشەك ۇرپاقتىڭ بولاشاعى مەن ەلگە دەگەن سۇيىسپەنشىلىكتىڭ سيمۆولىنا اينالدى.