قازىرگى جاستار – اقپارات داۋىرىنىڭ وكىلى. كۇن سايىن ميلليونداعان جازبا جازىلىپ, سانسىز پىكىر قالدىرىلادى. الەۋمەتتىك جەلى جاستاردىڭ وي-ورىسىن كەڭەيتىپ, وزىن ەركىن كورسەتۋگە مۇمكىندىك بەرەدى. بىراق سول ەركىندىكتىڭ ارتىندا جاۋاپكەرشىلىك تە بار ەكەنىن ۇمىتپاۋىمىز كەرەك.

جەلىدە جازعان اربىر سوز – مادەنيەت كورسەتكىشى. وكىنىشكە قاراي, كەي جاستار قازاق تىلىن شۇبارلاپ, شەتەلدىك سوزدەردى ورىنسىز قولدانادى. بىرى "قازاقشا جازسام, تۇسىنبەيدى" دەسە, ەندى بىرى "قىسقاشا جازعان ىڭعايلى" دەپ سىلتاۋ ايتادى. ال شىن مانىندە, تىل – ۇلتتىڭ جانى, رۋحىنىڭ كورىنىسى. ونى قادىرلەۋ – ار ازاماتتىڭ پارىزى.

تىل مادەنيەتىن ساقتاۋ — تەك مەكتەپ پەن مۇعالىمنىڭ ەمەس, تۇتاس قوعامنىڭ مىندەتى. الەۋمەتتىك جەلىنى تازا, ساۋاتتى تىلمەن قولدانۋ – ۇلتقا دەگەن قۇرمەتتىڭ بەلگىسى. ەگەر جاستار جەلىدە دە ادەمى سويلەپ, ورىندى جازسا, قازاق تىلى دە زاماناۋي, بەدەلدى, تارتىمدى بولا الادى.