Президент UAE SWAT Challenge халықаралық сайысында үздік нәтиже көрсеткен күштік құрылымдардың офицерлерін марапаттау рәсімінде сөз сөйледі, деп хабарлайды Shalqar.kz.

Биыл Дубайда өткен беделді жарысқа Қазақстан атынан 12 команда қатысып, жоғары деңгейде өнер көрсетті. Ішкі істер министрлігінің «Сұңқар» және «Томирис» командалары күміс жүлдегер атанды. Ұлттық қауіпсіздік комитетінің «Арыстан» командасы төртінші орынға ие болды. Сондай-ақ, Мемлекеттік күзет қызметі мен Қорғаныс министрлігінің командалары өздерінің жоғары шеберлігін дәлелдеді.

Мемлекет басшысы сайыста ел намысын абыроймен қорғаған арнайы жасақ қызметкерлерінің кәсіби дайындығына жоғары баға беріп, олардың еңбегін ерекше атап өтті.