Yandex Qazaqstan ورنىقتى دامۋ سالاسىنداعى جاڭا ەسەبىن ۇسىندى. ەسەپتە الەۋمەتتىك ماسەلەلەردى شەشۋگە كومەكتەسەتىن جوبالار, اتاپ ايتقاندا IT-مامانداردى دايىنداۋ مەن قولجەتىمدى ارى ينكليۋزيۆتى ورتا قۇرۋدان باستاپ قالالىق ينفراقۇرىلىمدى دامىتۋ جانە بيزنەسكە ارنالعان شەشىمدەرگە دەيىن سيپاتتالعان. Yandex Qazaqstan سەرۆيستەرى جۇزدەگەن مىڭ قازاقستاندىققا تابىس تاباتىن مۇمكىندىكتەر سىيلاپ وتىرعاندىقتان, كومپانييا سەرىكتەستەرىنىڭ الەۋمەتتىك تۇرعىدان قورعالۋىن ارتتىرۋعا ەرەكشە كوڭىل بولەدى. مىسالى, 2025 جىلدىڭ شىلدەسىندە ياندەكس تاكسيمەن سەرىكتەستىكتە جۇمىس ىستەيتىن 85 مىڭ جۇرگىزۋشى مەديتسينالىق ساقتاندىرۋعا, الەۋمەتتىك تولەمدەرگە جانە زەينەتاقىعا قۇقىق الدى, دەپ حابارلايدى Shalqar.kz “نارىق جاڭالىقتارى” تەلەگرام كانالىنا سىلتەمە جاساپ.

قوعامعا ارنالعان بىلىم جانە تەحنولوگييالاردى دامىتۋ

Yandex Qazaqstan باسىمدىقتارىنىڭ بىرى – IT-بىلىم بەرۋدى دامىتۋ بولىپ قالا بەرەدى. 2017 جىلدان باستاپ كومپانييانىڭ باعدارلامالاۋ مەكتەبى 14 جاستان 17 جاسقا دەيىنگى 390-نان استام بالانى وقىتتى. تەگىن كۋرستار قازاقستاننىڭ التى قالاسىندا وتكىزىلەدى جانە ولاردى تاجىريبەلى باعدارلامالاۋشىلار مەن بىلىكتى وقىتۋشىلار جۇرگىزەدى. 2025 جىلى 2,3 مىڭنان استام وقۋشى قىز جىل سايىن كومپانييا قولداۋ كورسەتەتىن حالىقارالىق Technovation Girls باعدارلاماسىنا قاتىستى. باعدارلاما قىزداردى STEM-باعىتتارعا – عىلىم, تەحنولوگييا, ينجەنەرييا جانە ماتەماتيكا سالاسىنداعى ماماندىقتارعا تارتۋعا باعىتتالعان.

بىلىم بەرۋ باستامالارىن دامىتا وتىرىپ كومپانييا بىلىمگە دەگەن قولجەتىمدىلىكتى كەڭەيتۋگە كومەكتەسەتىن تەحنولوگييالاردى ەنگىزۋدە. مىسالى, نەيرومەن بىرىكتىرىلگەن ياندەكس پويسك, ىزدەۋ جانە گەنەراتيۆتى تەحنولوگييالاردى ۇيلەستىرە وتىرىپ, جاي عانا سىلتەمەلەر تىزىمىن بەرمەيدى, كەرىسىنشە كۇردەلى سۇراقتارعا تۇسىنىكتى جاۋاپتار قالىپتاستىرىپ, ماڭىزدىسىن بولىپ كورسەتەدى. نەيرو ىسكە قوسىلعاننان بەرى وسى وپتسييانى كۇنىنە كەم دەگەندە بىر رەت قولداناتىن قولدانۋشىلار سانى 69% وستى, ال سۇرانىستار سانى 49% ارتتى. بۇل رەتتە قازاقستاندا نەيروعا كۇن سايىن قويىلاتىن سۇراقتاردىڭ شامامەن ۇشتەن بىرى بىلىم بەرۋ تاقىرىبىنا ارنالعان.

2024 جىلى كومپانييا Yandex Cloud نەگىزىندە قوعامدىق تەحنولوگييالار ورتالىعىن ىسكە قوستى. العاشقى جوبالاردىڭ بىرى ەكولوگييا باعىتىنا ارنالعان – بۇل قار بارىستارىن باقىلاۋعا ارنالعان نەيروجەلى. جاساندى ينتەللەكت ميلليونداعان فوتوتۇزاق سۋرەتىن وڭدەپ, عالىم-زوولوگتاردىڭ زەرتتەۋ جۇمىسىن جەڭىلدەتەدى. بىلىم بەرۋ باعىتىندا ورتالىق جوعارى وقۋ ورىندارىنا قولداۋ كورسەتىپ, عىلىمي-زەرتتەۋ جۇمىستارى مەن وقۋ جوبالارى ۇشىن بۇلتتىق رەسۋرستاردى ۇسىنادى. سەرىكتەستەر قاتارىندا – Satbayev University, قبتۋ (قازاق-بريتان تەحنيكالىق ۋنيۆەرسيتەتى), استانا حالىقارالىق ۋنيۆەرسيتەتى بار.

پلاتفورمالىق جۇمىسپەن قامتۋ جانە سەرىكتەستەردى قورعاۋ

كومپانييا ۇشىن ورنىقتى دامۋ سالاسىنداعى تاعى بىر ماڭىزدى باعىت – پلاتفورمالىق جۇمىسپەن قامتۋ. بۇگىندە ياندەكس Go-مەن 845 مىڭنان استام جۇرگىزۋشى جانە كۋرьەر سەرىكتەستىكتە جۇمىس ىستەپ وتىر. 2025 جىلدىڭ شىلدەسىندە كومپانييا ياندەكس Go-دىڭ تاكسي, تاعام جانە جەتكىزۋ سەرۆيستەرىندە تاپسىرىستاردى ورىندايتىن 85 مىڭ جەكە كاسىپكەر ۇشىن سالىق اگەنتى بولدى. 2025 جىلدىڭ قازانىندا بۇل كورسەتكىش 105 مىڭ ادامدى قۇرادى. كومپانييا سەرىكتەستەردىڭ سالىعى مەن الەۋمەتتىك جارنالاردى ەسەپتەۋدى جانە تولەۋدى وز موينىنا الدى. بۇل ولارعا الەۋمەتتىك قورعالۋعا جانە مەديتسينالىق ساقتاندىرۋعا قول جەتكىزۋگە مۇمكىندىك بەردى.

قالالىق ينفراقۇرىلىم

Yandex Qazaqstan قالالىق ينفراقۇرىلىم ۇشىن دە تسيفرلىق شەشىمدەر ازىرلەيدى. قوستاناي مەن قاراعاندى جۇرگىزۋشىلەرى ياندەكس كارتالارداعى باعدارشامداردىڭ سيگنالدارىن كورەدى جانە جولداعى قاۋىپتى جەرلەر تۋرالى داۋىستىق ەسكەرتۋلەر الادى, ال استانا, قوستاناي جانە اقتوبە تۇرعىندارى ۇشىن وتە اۋىر جاعدايدا جەدەل جاردەمنىڭ قوزعالىسىن باقىلاۋ مۇمكىندىگى قولجەتىمدى – بۇل بريگادانىڭ كەلۋ ۋاقىتىن سۇراپ, ديسپەتچەرلەرگە قوڭىراۋ شالۋ سانىن ازايتادى.

تسيفرلىق قولجەتىمدىلىك

تسيفرلىق قولجەتىمدىلىكتى دامىتا وتىرىپ, كومپانييا ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسكەن جوبالاردى ىسكە اسىرۋدا. سونىڭ بىرى – «ينۆاتاكسي». 2024 جىلى «ينۆاتاكسي» قولدانۋشىلارى 140 مىڭنان استام ساپار جاسادى, ال 2025 جىلدىڭ بىرىنشى جارتىجىلدىعىندا بۇل كورسەتكىش 231 مىڭ ساپارعا جەتتى. كومپانييانىڭ جوباعا سالعان ينۆەستيتسييا كولەمى 408 ميلليون تەڭگەدەن استى. 

Yandex Qazaqstan, سونىمەن قاتار, تسيفرلىق قولجەتىمدىلىكتى ارتتىراتىن جەكە شەشىمدەرىن دە ازىرلەيدى. "اقىلدى كامەرا" زاتتار مەن ماتىندەردى تانيدى جانە ناشار كورەتىن قولدانۋشىلارعا كەڭىستىكتە باعدار جاساۋعا كومەكتەسەدى. ياندەكس اڭگىمەلەسۋ قوسىمشاسى سويلەۋ مەن ماتىندى ەكى جاقتى اۋدارۋدى قامتاماسىز ەتەدى جانە ساڭىراۋلار مەن ەستيتىن ادامداردىڭ قارىم-قاتىناسىنا كومەكتەسەدى. ال ياندەكس كارتالاردا قازاقستاننىڭ 2 429 ەلدى مەكەنىندەگى 79,1 مىڭ ۇيىم كارتوچكاسىندا جۇرىپ-تۇرۋى ناشار ادامدارعا ارنالعان نىسانداردىڭ قولجەتىمدىلىگى تۋرالى دەرەكتەر بار.

ياندەكس پرو قوسىمشاسى ەستۋ قابىلەتى ناشار جۇرگىزۋشىلەرگە بەيىمدەلگەن, جەكەلەي العاندا ۆيزۋالدى حابارلاندىرۋلار, جولاۋشىلارمەن چات جانە ىمداۋ تىلىندەگى وقۋ ماتەريالدارى قوسىلعان.

قازاق تىلى مەن مادەنيەتىن دامىتۋ

Yandex Qazaqstan قازاق تىلى جانە قازاقستاندىق مادەنيەتتىڭ تسيفرلىق تارالۋىن قولدايدى. بۇگىنگى تاڭدا نەگىزگى سەرۆيستەر تولىعىمەن قازاق تىلىندە قولجەتىمدى جانە پويسكتەگى سۇرانىستاردىڭ شامامەن 27%-ى قازاق تىلىندە جاسالادى.

ۆيرتۋالدى كومەكشى اليسا دا قازاق تىلىن تۇسىنەدى, قازاقشا سويلەيدى. ماۋسىم ايىنىڭ سوڭىنا قاراي اليساداعى قازاق تىلىندەگى سۇرانىستار سانى وتكەن جىلدىڭ سايكەس كەزەڭىمەن سالىستىرعاندا 70%-عا وستى.

شىعارماشىلىق يندۋسترييانى دامىتۋ باعىتىندا جەرگىلىكتى ورىنداۋشىلارعا اۋديتورييا تابۋعا كومەكتەسەتىن ISKRA Qazaqstan جوباسى جانە «مەنىڭ تولقىنىم» جەكە ۇسىنىستار تاسپاسى ىسكە قوسىلدى. كينوپويسكتە پايدالانۋشىلارعا قازاقستاندىق فيلьمدەر مەن سەريالداردىڭ, ال ياندەكس كىتاپتاردا قازاقستاندىق باسپالاردىڭ كىتاپتارىنىڭ 5200-دەن استام اتاۋى قولجەتىمدى.

بيزنەستى قولداۋ

شاعىن جانە ورتا بيزنەسكە ياندەكس كارتا جانە ياندەكس Go سەرۆيستەرىنىڭ جارناما جانە لوگيستيكانى جەڭىلدەتۋگە باعىتتالعان قۇرالدارى مەن مۇمكىندىكتەرى, سونداي-اق Yandex Cloud پلاتفورماسى قولجەتىمدى.

Yandex SpeechKit سويلەۋدى سينتەزدەۋ جانە تانۋ سەرۆيسى, سونداي-اق Yandex SpeechSense تىل اناليتيكاسى سەرۆيسى بايلانىس ورتالىقتارىنىڭ جۇمىسىن اۆتوماتتاندىرۋعا كومەكتەسەدى. بيىل سينتەزدەر كىتاپحاناسى قازاقشا دا, ورىسشا دا, سونداي-اق ولاردىڭ قوسپاسىندا دا سويلەيتىن ەكى جاڭا داۋىسپەن تولىقتىرىلدى.

كاسىپكەرلىك پەن يننوۆاتسييانى قولداۋ ماقساتىندا Yandex Qazaqstan 2024 جىلدىڭ سوڭىندا ستارتاپتارعا ارنالعان باعدارلامانى ىسكە قوستى. وعان قاتىسۋشىلار Yandex Cloud-قا, ياندەكس كارتا API-ىنا جانە باسقا دا قۇرالدارعا جەڭىلدىگى بار قولجەتىمدىلىك الادى. بۇدان باسقا, Yandex Cloud بۇلتتى پلاتفورماسىندا Yandex Cloud Boost گرانتتىق باعدارلاماسى بار. مۇندا 150-دەن استام كومپانييا جوبالاردى ىسكە قوسۋ جانە اۋقىمىن كەڭەيتۋ ماقساتىندا بۇلتتى سەرۆيستەردى پايدالانادى.

Yandex Qazaqstan قازاقستان تۇرعىندارىنا ارنالعان ومىر ساپاسىن ارتتىراتىن جانە تەحنولوگييالاردى قولجەتىمدى ەتەتىن جوبالار بويىنشا جۇمىستى جالعاستىرادى.

Yandex Qazaqstan-نىڭ ورنىقتى دامۋ سالاسىنداعى تولىق ەسەبى مىنا سىلتەمە بويىنشا قولجەتىمدى.