Қазақстанның Төтенше жағдайлар министрлігі (ТЖМ) ел аумағында қар көшкіні қаупі жоғары аймақтарды анықтап, тұрғындарды сақ болуға шақырды, деп хабарлайды Shalqar.kz.

 Қауіпті аймақтар қайда? Қар көшкіні қаупі әсіресе Шығыс Қазақстан, Алматы, Түркістан және Жетісу облыстарында жоғары. Сарапшылардың айтуынша, Қазақстан Алтайы, Іле, Жетісу және Талас Алатауы, сондай-ақ Қаратау жоталарының беткейлері ерекше бақылауда. Мамандар көктемнің басында қар көшкіні жиілейтінін ескертеді.

 Қауіпсіздік шаралары Тұрғындар мен туристердің қауіпсіздігін қамтамасыз ету үшін 58 рет қарды түсіру жұмыстары жүргізілген. Нәтижесінде 42 мың текше метр қар түсірілді. Сонымен қатар, қауіпті кезеңдерде көшкін қаупі бар аймақтарға кіруге шектеу қойылып, блок-бекеттер орнатылады.

Тауға шықпас бұрын не білу керек? ТЖМ азаматтарға қалың қар жауған соң жорықты екі-үш күнге кейінге қалдыруды ұсынады. Қауіпсіздік ережелерін сақтап, төтенше жағдайлар қызметінің ескертулеріне құлақ түрген жөн.