Білім

Автор: ADMIN

Білім 2025-11-02 10:02:49

Следуй за нами

8

قازاقستان – بىلىمنىڭ جاھاندىق ورتالىعىنا اينالۋدا

news single

     پرەزيدەنت: «2029 جىلعا قاراي ەلىمىزدە بىلىم الاتىن شەتەلدىك ستۋدەنتتەر سانىن 100 مىڭعا جەتكىزۋ كوزدەلىپ وتىر»-, دەپ حابارلايدى “Shalqar.kz” “Qazaqparat” تەلەگرام كانالىنا سىلتەمە جاساپ.

 

       استانا تورىندە وتكەن حالىقارالىق فورۋمدا مەملەكەت باسشىسى قاسىم-جومارت توقاەۆ قازاقستاننىڭ جوعارى بىلىم سالاسىنداعى جاڭا ماقسات-مىندەتتەرىن ايقىندادى. پرەزيدەنتتىڭ ايتۋىنشا, ەلىمىز بۇگىندە ايماقتىق قانا ەمەس, حالىقارالىق بىلىم حابى بولۋعا نىق قادام جاساپ وتىر. «قازىر ەلىمىزدىڭ جوعارى وقۋ ورىندارىندا 31 مىڭنان استام شەتەلدىك ستۋدەنت بىلىم الۋدا. بۇل – قازاقستان ۇشىن تاريحي, رەكوردتىق كورسەتكىش. بىراق بىز مۇنىمەن توقتاپ قالمايمىز. 2029 جىلعا قاراي شەتەل ستۋدەنتتەرىنىڭ سانىن - 100 مىڭعا دەيىن ارتتىرۋدى كوزدەپ وتىرمىز», – دەدى مەملەكەت باسشىسى.

 

    بۇل ماقساتقا جەتۋ ۇشىن مەملەكەت بىلىم الۋشىلارعا قولايلى جاعداي جاساۋعا باسىمدىق بەرەدى. ۆيزا راسىمدەۋ جەڭىلدەتىلىپ, شەتەل ازاماتتارىنىڭ ەلىمىزدە ەركىن ارى قاۋىپسىز بىلىم الۋىنا مۇمكىندىك جاسالماق. سونىمەن قاتار ۇزدىك تۇلەكتەردىڭ قازاقستاندا قالىپ, ەڭبەك ەتۋىنە جول اشاتىن جۇمىسپەن قامتۋ باعدارلاماسى ىسكە قوسىلادى. پرەزيدەنت اتاپ وتكەندەي, شەتەلدىك ۋنيۆەرسيتەتتەردىڭ فيليالدارىن اشۋ – ينجەنەرلىك جانە IT سالالارىنداعى كادر دايارلاۋ ىسىن جاڭا دەڭگەيگە كوتەرەدى. «قازاقستاندا قىتاي ۇكىمەتىنىڭ باستاماسىمەن ۇش لۋ بانь شەبەرحاناسى اشىلدى. بۇل – قولدانبالى ينجەنەرييانىڭ وزىق ۇلگىسى. سونداي-اق يادرولىق ەنەرگەتيكا سالاسىنا مامان دايىنداۋ بىز ۇشىن ستراتەگييالىق مىندەت. رەسەيدىڭ ۇلتتىق يادرولىق زەرتتەۋ ۋنيۆەرسيتەتى – ميفي وسى باعىتتا ىنتىماقتاسۋعا ازىر ەكەنىن بىلدىردى», – دەدى قاسىم-جومارت توقاەۆ.

 

     مەملەكەت باسشىسى وتاندىق جوعارى وقۋ ورىندارىنىڭ عىلىمي جوبالارىنا دا ەرەكشە توقتالدى. «قوزىباەۆ ۋنيۆەرسيتەتى مەن اريزونا ۋنيۆەرسيتەتىنىڭ سەرىكتەستىگى ناتيجەسىندە كۇكىرتتى يننوۆاتسييالىق پوليمەرگە اينالدىراتىن جاڭا تەحنولوگييا ازىرلەندى. بۇل – ەلىمىزدىڭ حيمييا ونەركاسىبى ۇشىن تىڭ سەرپىن, ەكولوگييالىق ماسەلەلەردى شەشۋدىڭ ناقتى جولى», – دەدى پرەزيدەنت. قاسىم-جومارت توقاەۆتىڭ سوزىنشە, بۇگىنگى مىندەت – بىلىم مەن عىلىمدى ەكونوميكانىڭ ناقتى سەكتورى مەن وندىرىس سالاسىنا تىكەلەي بايلانىستىرۋ. سەبەبى جاڭا تەحنولوگييا, يننوۆاتسييالىق شەشىم مەن جاسامپاز يدەيا تەك ۋنيۆەرسيتەت قابىرعاسىندا ەمەس, ەلدىڭ دامۋ ستراتەگيياسىنىڭ وزەگىندە تۇرۋى تيىس.

 

     قازاقستاننىڭ جوعارى بىلىم جۇيەسى قازىر جاھاندىق تانىم مەن تاجىريبە توعىسقان كەڭىستىككە اينالىپ كەلەدى. بۇل – ەلدىڭ ينتەللەكتۋالدى الەۋەتىن ارتتىرىپ قانا قويماي, قازاقستاندى حالىقارالىق دەڭگەيدەگى بىلىم ورتالىعىنا اينالدىرۋعا باعىتتالعان تاريحي بەتبۇرىس.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться