Мир

Автор: ADMIN

Мир 2025-11-04 18:13:17

Следуй за нами

7

حالىق 1 تريلليون تەڭگەدەن استام نەسيەنى 90 كۇننەن ارتىق كەشىكتىرىپ جۇر

news single

    قازاقستاندىقتاردىڭ نەسيەگە دەگەن تابەتى باسەڭدەر ەمەس. 2025 جىلدىڭ قىركۇيەگىندە ازاماتتار بانكتەردەن 1,7 تريلليون تەڭگەنىڭ جاڭا نەسيەسىن راسىمدەگەن-, دەپ حابارلايدى "Shalqar.kz" "Naryk.kz" تەلەگرام كانالىنا سىلتەمە جاساپ. 

 

    وسىلايشا, جىل باسىنان بەرگى 9 ايدا جالپى بەرىلگەن قارىز كولەمى 1 4,6 تريلليون تەڭگەگە جەتىپ, وتكەن جىلدىڭ سايكەس كەزەڭىمەن سالىستىرعاندا 12,8%-عا ارتقان.

 

  🔹 جالپى نەسيە پورتفەلى بۇگىندە 24 تريلليون تەڭگەنى قۇراپ وتىر. ونىڭ ىشىندە: – تۇتىنۋشىلىق قارىزدار — 16,2 ترلن تەڭگە (+1,5% ايلىق وسىم), – يپوتەكالىق نەسيەلەر — 6,7 ترلن تەڭگە (+1,3%). بۇدان بانكتەردىڭ حالىققا نەسيە بەرۋ قارقىنى الى دە جوعارى ەكەنىن اڭعارۋعا بولادى.

 

 💰 ورتاشا پايىزدىق مولشەرلەمەلەر دە ايتارلىقتاي: – بارلىق نەسيەلەر بويىنشا — 19,7%, – يپوتەكادا — 9,9%, – تۇتىنۋشىلىق قارىزداردا — 20,9%. الايدا وسىممەن بىرگە قارىز جۇكتەمەسى دە ارتىپ كەلەدى. بۇگىندە ەلدە 1 تريلليون تەڭگەدەن استام نەسيەنىڭ تولەمى 90 كۇننەن اسا كەشىكتىرىلگەن. بۇل حالىق نەسيەلەرىنىڭ جالپى كولەمىنىڭ 4,5%-ىنا, ياعني 1,1 تريلليون تەڭگەگە تەڭ. بيزنەس سەكتورىنداعى جاعداي سال تۇراقتىراق: مۇنداعى NPL90+ دەڭگەيى – 2,3%, نەمەسە 388 ملرد تەڭگە شاماسىندا. ال جالپى نەسيە جۇيەسى بويىنشا پروبلەمالىق قارىزداردىڭ ۇلەسى 3,5% (شامامەن 1,5 ترلن تەڭگە).

 

   ⚠️ ساراپشىلاردىڭ پىكىرىنشە, تۇتىنۋشىلىق نەسيەلەردىڭ جىلدام وسۋى مەن تابىس دەڭگەيىنىڭ باياۋ ارتۋى قارجىلىق تۇراقتىلىققا تاۋەكەل توندىرۋى مۇمكىن. بانكتەر دە, ازاماتتار دا اباي بولعانى جون – ويتكەنى «جەڭىل نەسيە» كەيدە اۋىر جۇككە اينالۋى عاجاپ ەمەس.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться