Еуропалық тараптың бастамасымен Қазақстан Президенті Қасым-Жомарт Тоқаев пен Еуропалық кеңес Президенті Антониу Кошта телефон арқылы әңгімелесті,деп хабарлайды Shalqar.kz

Кездесу барысында Қазақстан мен Еуропалық Одақ арасындағы ынтымақтастықты дамыту мәселелері, соның ішінде екіжақты қарым-қатынастарды нығайту жолдары талқыланды.

Мемлекет басшысы Қазақстан мен ЕО арасындағы өзара іс-қимылдың жоғары қарқынын атап өтіп, Кеңейтілген серіктестік және ынтымақтастық туралы келісім аясындағы байланыстардың маңыздылығын атап көрсетті. Сондай-ақ сауда, инвестиция, энергетика, көлік-логистика және цифрлық трансформация салаларындағы әріптестікті одан әрі кеңейту қажеттігін тілге тиек етті.

Тараптар екіжақты және өңірлік деңгейдегі диалогты жалғастыруға дайын екенін растады.

Қасым-Жомарт Тоқаев Антониу Коштаны Қазақстанға ресми сапармен келуге шақырды.