Memleket basşısınıñ tapsırması boyınşa bilim beru salasında auqımdı infraqwrılımdıq jobalar jüzege asırılıp keledi. Negizgi maqsat – üş auısımdı oqıtu mäselesin şeşu, oquşı orındarınıñ tapşılığı men apattı mektepterdi joyu, dep habarlaydı Shalqar.kz QR Oqu-ağartu ministrligine silteme jasap.

El öñirlerinde 267 mıñ oquşı ornına arnalğan 232 jaña mekteptiñ qwrılısı jürgizilip jatır. Biıl 157 mıñ oquşı ornına arnalğan 105 jaña mektep paydalanuğa berildi. Onıñ işinde 135 mıñ oquşı ornına arnalğan 71 mektep «Keleşek mektepteri» wlttıq jobası ayasında salındı. Jaña mektepterdiñ basım böligi Türkistan, Mañğıstau, Almatı, Aqtöbe jäne Jambıl oblıstarında ornalasqan.

Wlttıq joba ayasında jalpı 460 mıñ orınğa arnalğan 217 zamanaui mektep salu josparlanğan, onıñ 40%-dan astamı auıldıq jerlerde boy köteredi. Jaña formattağı mektepter bwrınğı tiptik mektepterden edäuir erekşelenedi: olardıñ jalpı aumağı 15–20%-ğa ülken, al tehnikalıq jabdıqtalu deñgeyi tört ese joğarı. Är mektepte robototehnika kabinetteri, STEM-zerthanalar, horeografiya zaldarı, kovorking aymaqtarı men törtke deyin sport zalı qarastırılğan.

Sonımen qatar şağın qalalarda, audan ortalıqtarında jäne auıldarda ornalasqan 1000 mektep jañğırtıluda. Bağdarlama ayasında kürdeli jöndeu jwmıstarı, jihazdar jañartu, kitaphanalar, ashanalar men qauipsizdik jüyelerin jañğırtu qarastırılğan. Bwl öz kezeginde elimizdiñ barlıq öñirlerinde balalarğa jaylı jäne qauipsiz bilim alu jağdayın qamtamasız etedi.

Kelesi kezeñde mektepterdiñ infraqwrılımın birıñğay zamanaui formatqa köşiru boyınşa jwmıstar jürgizilude. Prezidenttiñ tapsırmasına säykes mektepterdi renovaciyalaudıñ auqımdı bağdarlaması jüzege asırılıp jatır. Bağdarlama şeñberinde ğimarattardıñ qasbetteri men şatırları jañartılıp, terezeler auıstırıladı, injenerlik jelilerge kürdeli jöndeu jürgizilip, aumaqtar abattandırılıp, kögaldandırıladı.