2015 جىلى بۇۇ 2030 جىلعا دەيىنگى ورنىقتى دامۋ ماقساتتارىن (ودم) قابىلدادى, دەپ حابارلايدى Shalqar.kz. وسىلايشا الەم ەلدەرى الداعى 15 جىلدىڭ ىشىندە شۇعىل تۇردە جاھاندىق پروبلەمالاردى شەشۋگە كىرىسىپ كەتتى. قازاقستان بۇل باستامادان قالىس قالعان جوق, وزىنىڭ ۇلتتىق ماقساتتارى مەن مىندەتتەرىن ايقىندادى. ال ونى ورىنداۋدا جاساندى ينتەللەكتى مەن تسيفرلىق تەحنولوگييا قانداي رول اتقارادى? 

ورنىقتى دامۋ سالاسىنداعى 17 ماقسات پەن 169 مىندەت بارلىق ادامنىڭ قۇقىعىن قورعاۋعا باعىتتالعان جانە ورنىقتى دامۋدىڭ ۇش كومپونەنتىنىڭ تەپە-تەڭدىگىن قامتاماسىز ەتەدى: ەكونوميكالىق, الەۋمەتتىك جانە ەكولوگييالىق. بۇل ماقساتتار مەن مىندەتتەر ۇلتتىق ۇكىمەتتەردى ادامزات پەن عالامشارعا زور مان بەرەتىن  ارەكەتكە شاقىرادى.

جاقىندا پارلامەنت سەناتىنىڭ توراعاسى ماۋلەن اشىمباەۆتىڭ توراعالىعىمەن ورنىقتى دامۋ سالاسىنداعى ۇلتتىق ماقساتتار مەن مىندەتتەردىڭ ىسكە اسىرىلۋىنا مونيتورينگ جۇرگىزۋ جونىندەگى پارلامەنتتىك كوميسسييانىڭ كەزەكتى وتىرىسى وتتى. وندا مەملەكەت باسشىسىنىڭ جولداۋىن ىسكە اسىرۋ اياسىندا تسيفرلىق وزگەرىستەردىڭ ورنىقتى دامۋ ماقساتتارىنا قول جەتكىزۋگە اسەرى تۋرالى ماسەلەلەر تالقىلاندى.

تسيفرلىق ترانسفورماتسييا – بۇل تەك تەحنولوگييالاردى ەنگىزۋ ەمەس, ول باسقارۋ مەن دامۋعا دەگەن جاڭا كوزقاراس. وسى ورايدا اربىر مينيسترلىك وز سالاسى بويىنشا ورنىقتى دامۋ ماقساتتارىنا جەتۋگە ناقتى ۇلەس قوسىپ كەلەدى. اتاپ ايتقاندا, تسيفرلىق شەشىمدەر ورنىقتى دامۋ ماقساتتارىنىڭ بارلىق باعىتىندا ناقتى ىلگەرىلەۋدى قامتاماسىز ەتىپ جاتىر.