2015 jılı BWW 2030 jılğa deyingi Ornıqtı damu maqsattarın (ODM) qabıldadı, dep habarlaydı Shalqar.kz. Osılayşa älem elderi aldağı 15 jıldıñ işinde şwğıl türde jahandıq problemalardı şeşuge kirisip ketti. Qazaqstan bwl bastamadan qalıs qalğan joq, öziniñ wlttıq maqsattarı men mindetterin ayqındadı. Al onı orındauda jasandı intellekti men cifrlıq tehnologiya qanday röl atqaradı? 

Ornıqtı damu salasındağı 17 maqsat pen 169 mindet barlıq adamnıñ qwqığın qorğauğa bağıttalğan jäne ornıqtı damudıñ üş komponentiniñ tepe-teñdigin qamtamasız etedi: ekonomikalıq, äleumettik jäne ekologiyalıq. Bwl maqsattar men mindetter wlttıq ükimetterdi adamzat pen ğalamşarğa zor män beretin  äreketke şaqıradı.

Jaqında Parlament Senatınıñ törağası Mäulen Äşimbaevtıñ törağalığımen Ornıqtı damu salasındağı Wlttıq maqsattar men mindetterdiñ iske asırıluına monitoring jürgizu jönindegi parlamenttik komissiyanıñ kezekti otırısı ötti. Onda Memleket basşısınıñ Joldauın iske asıru ayasında cifrlıq özgeristerdiñ ornıqtı damu maqsattarına qol jetkizuge äseri turalı mäseleler talqılandı.

Cifrlıq transformaciya – bwl tek tehnologiyalardı engizu emes, ol basqaru men damuğa degen jaña közqaras. Osı orayda ärbir ministrlik öz salası boyınşa ornıqtı damu maqsattarına jetuge naqtı üles qosıp keledi. Atap aytqanda, cifrlıq şeşimder Ornıqtı damu maqsattarınıñ barlıq bağıtında naqtı ilgerileudi qamtamasız etip jatır.