28 қаңтарда өткен Үкімет отырысында Ұлттық экономика министрі Серік Жұманғарин қосылған құн салығы (ҚҚС) мөлшерлемесін 16%-дан 20%-ға дейін арттыру мәселесі қарастырылып жатқанын мәлімдеді,деп хабарлайды Shalqar.kz

Бұл өзгеріс тауарлар мен қызметтердің қымбаттауына, сондай-ақ инфляцияның күшеюіне алып келуі мүмкін.

Министрдің айтуынша, ҚҚС өсімі кәсіпорындарға шамамен 4% қосымша жүктеме түсірсе, тұтынушылар үшін тауарлар мен қызметтердің қымбаттауына әсер етеді. Нәтижесінде инфляция 4,5%-ға дейін өсуі ықтимал.

“ҚҚС мөлшерлемесін 16%-дан 20%-ға дейін көтеру талқыланып жатыр. Бұл бағаларға міндетті түрде әсер етеді. Алайда біз бұл өсімді уақытша деп есептейміз және оны әлеуметтік қолдау шаралары арқылы теңестіруді көздеп отырмыз”, – деді Серік Жұманғарин.

Халықтың әлеуметтік осал топтарына жүктемені азайту мақсатында Үкімет бірқатар шараларды қолға алуды жоспарлауда: • Мемлекеттік мекеме қызметкерлерінің жалақысы мен зейнетақыны индексациялау; • Атаулы әлеуметтік көмекті ұлғайту.