Qasım-Jomart Toqaev «Qazaqstan Respublikası işki sayasatınıñ negizgi qağidattarı, qwndılıqtarı men bağıttarın bekitu turalı» Jarlıqqa qol qoydı, dep habarlaydı Shalqar.kz “Akorda”-ğa silteme jasap.

Wlttıq qwrıltaydıñ IV otırısında sarapşılar men qoğam qayratkerleri işki sayasat salasında jürgizilip jatqan barlıq jwmıstı retteytin birıñğay twjırımdamalıq qwjat äzirleudi wsınğan edi. Prezident bwl ideyanı qoldap, onıñ memlekettik qwrılımdar jwmısın jüyelendiruge bağıttaluı kerek ekenin atap ötken bolatın.

Prezident Äkimşiligi men müddeli memlekettik organdar Memleket basşısınıñ jıl sayınğı Joldauların, söylegen sözderin, Qazaqstan Respublikasınıñ 2029 jılğa deyingi wlttıq damu josparın negizge ala otırıp, «İşki sayasattıñ negizgi qağidattarı, qwndılıqtarı men bağıttarı» qwjatın dayındadı.

Twjırımdamalıq qwjattı äzirleuge Wlttıq qwrıltaydıñ müşeleri, sarapşılar, ğılımi jäne qoğamdıq wyımdardıñ ökilderi belsene atsalıstı.

Atalğan qwjat birinşi kezekte memlekettik organdarğa arnalğan. Onıñ bastı maqsatı – işki sayasat salasındağı jwmıstı jüyeleu äri üylestiru.

Onda «Zañ jäne tärtip», «Halıq ünine qwlaq asatın memleket», «Türli közqaras – birtwtas wlt», «Küşti Prezident – ıqpaldı Parlament – esep beretin Ükimet», «Adal azamat», «Taza Qazaqstan» sekildi işki sayasat qağidattarı qamtılğan.

Sonday-aq Wlttıq qwrıltay otırıstarında köterilgen jalpıwlttıq qwndılıqtardıñ tizbesi engizildi. Jalpıwlttıq biregeylikti tanıtatın wlttıq nışandar jüyesi jasaldı.

Qwjatta qoğamdıq dialog, etnosaralıq qatınas, din, mädeni-gumanitarlıq, otbası, jastar, aqparat sekildi işki sayasattıñ basım bağıttarı ayqındalğan. Qabıldanğan twjırımdamalıq qwjat memlekettik organdardıñ işki sayasat salasındağı jwmısın wyımdastıruğa negiz boladı.