Qorğanıs ministri Däuren Qosanov tayauda elordada balaları äskerde qaza tapqan analardıñ mitingine qatıstı pikir bildirdi, dep habarlaydı Shalqar.kz.

— Biz olardı qabıldadıq. Analar mitingke şıqqan mäseleniñ bäri tergeu is-şaralarına qatıstı boldı. Tergeudi Bas äskeri prokuraturanıñ baqılauımen İşki ister ministrligi jürgizip jatır. Ol jerde bizge qatısı joq mäseleler boldı, — dedi Däuren Qosanov Senattıñ jalpı otırısınan keyin BAQ ökilderiniñ saualına oray.

Onıñ aytuınşa, Qorğanıs ministrligi äskerdegi tärtipti küşeytu şaraların jüzege asırıp jatır. 

— Komandirlermen, psihologtermen jwmıs istep, kameralar ornatıp jatırmız. Ayına 1-2 ret baspasöz qızmetkerleriniñ saparın wyımdastırudamız. Äskerde älimjettik joq. Biraq, äskerde er-azamattar köp bolğannan keyin türli jayttar boladı. Bwl qoğamımızda da bar. Jigit bolğannan keyin kelispey, eregesip qaladı. Onday da boladı. Äskerdi qoğamnan bölmeñizder. Biz de qoğamnıñ müşesemiz, — dedi ministr.

Eske salsaq, osığan deyin Mañğıstau oblısında sarbaz qaytıs bolğanı habarlandı.

Prezident äskerde qaza tapqan sarbazdarğa qatıstı isti tergeu kezinde zañnıñ saqtaluın qadağalaudı tapsırğan edi.

Bwdan bwrın Bas prokuror Berik Asılov Bas prokuratura men Bas äskeri prokuratura basşılığı qaza tapqan jäne jaraqat alğan äskeri qızmetşilerdiñ anaların qabıldaytının ayttı.