Qazaqstan Wlttıq Banki 2025 jılğı 24 qaraşada "qate audarılğan" aqşağa qatıstı alayaqtıq oqiğalar jiilep ketkenin eskertti, dep habarlaydı Shalqar.kz “Kazinform” agenttigine silteme jasap.

Aqparğa süyensek, köp taralğan shemalardıñ biri – aqşa tüskeni turalı jalğan habarlama jiberu.

Onday kezde azamattar bank şotına tüsken aqşa soması turalı SMS-habarlama aladı. Keyin olarğa qasköyler qoñırau şalıp, özin aqşa audarğan adam retinde tanıstıradı da, "qatelesip audarıppın" degen sıltaumen tüsken aqşanı keri qaytarudı swraydı. Biraq, köbine mwnday habarlamalar jalğan bolıp şığadı.

Mamandar osınday habarlama nemese qoñırau qabıldağan kezde aqşanıñ qaydan kelgenin tek banktiñ resmi mobil'di qosımşasında nemese internet-banking arqılı tekserip alğan abzal ekenin ayttı.

Sonımen qatar, belgisiz nömirden kelgen SMS-habarlamağa saq bolıp, küdikti siltemege ötpeu kerek ekeni eskertildi.

Alayaqtıq shemanıñ tağı bir türi bar. Ol jağdayda qasköyler belgili bir azamattıñ şotına şınayı türde aqşa audaradı.

Keyin olar aqşa audarğan adam bolıp qoñırau şalıp, "qatelesip audarğanın" aytadı da, tüsken aqşanı qaytaruğa basqa bir üşinşi taraptıñ şotın wsınadı.

Äñgime kezinde psihologiyalıq qısım (mısalı, aqşa balanıñ emine kerek ekenin aytıp) körsetui nemese qwqıq qorğau organdarına, bolmasa, sotqa şağımdanatının aytıp, qorqıtuı mümkin. Köbine alayaqtar özin "küş qwrılımdarınıñ" nemese "Wlttıq Banktiñ qızmetkeri" retinde tanıstırıp, jeke jäne bank derekterin swratadı.

Wlttıq Bank osınday oqiğağa tap bolğan jağdayda nemese belgisiz bireulerden aqşa tüskende üşinşi taraptıñ şotına aqşa audarudan saq boluğa şaqıradı. Özgeden kelgen aqşanı qaytaru amalın naqtılau üşin dereu bankke habarlasqan dwrıs. Tipti qajet bolsa, tiisti ötinişti tapsıru üşin banktiñ eñ jaqın bölimşesine baru kerek ekeni eskertildi.

"Eske sala keteyik, Wlttıq Bank qızmetkerleri audio jäne videoqoñırau şalmaydı, jeke twlğalardıñ şotına qızmet körsetpeydi, türli investiciyalıq qorlar men qarjı önimderine qarjı salımdarın wsınbaydı, aqşa qwraldarın saqtandırumen aynalıspaydı, halıqpen de aqşalay esep ayırıspaydı" -, delingen aqparatta.

Eger alayaqtıq äreketke tap bolsañız, Qazaqstan Respublikasınıñ qwqıq qorğau organdarına arız tüsiruge keñes berildi. Sonımen qatar, keñes alu üşin 1477 qısqa nömirine qoñırau şalıp, Wlttıq Banktiñ Baylanıs ortalığına habarlasuğa boladı.