Қаржы нарығын реттеу және дамыту агенттігі дербес деректердің жоғалуы оларды үшінші тұлғалардың заңсыз пайдалануына алып келуі мүмкін екенін айтып, цифрлық гигиена ережелерін еске салды, деп хабарлайды Shalqar.kz “ҚНРДА”-ға сілтеме жасап:

- Жеке басты куәландыратын құжаттардың көшірмелерін жібермеңіз;

- банк картасының толық деректемелерін, әсіресе CVV-кодты, SMS-кодтар мен құпиясөздерді жария етпеңіз;

- Күмәнді сілтемелер арқылы өтуден аулақ болыңыз және тексерілмеген көздерден лицензиясы жоқ қолданбаларды орнатпаңыз;

- Құрылғыларды үнемі тексеріп отырыңыз: антивирусты жаңартыңыз, спам мен күдікті хаттарды жойыңыз, қажетсіз жөнелтушілерді бұғаттаңыз және кэшті тазалаңыз;

- Әртүрлі аккаунттар үшін бірдей құпиясөзді пайдаланбаңыз. Күрделі құпиясөз кемінде 10 таңбадан – әртүрлі тіркелімдердің әріптері, цифрлар мен арнайы белгілер комбинациясынан тұруға тиіс;

- Жалпыға қолжетімді Wi-Fi желілері арқылы интернет-банкингке кірмеңіз: олар көбіне қауіпті болуы мүмкін;

- Өздерін банктің, әлеуметтік қызметтердің немесе құқық қорғау органдарының қызметкерлері ретінде таныстырған жағдайда да, белгісіз адамдарға ешқашан жеке деректеріңізді бермеңіз.