قارجى نارىعىن رەتتەۋ جانە دامىتۋ اگەنتتىگى دەربەس دەرەكتەردىڭ جوعالۋى ولاردى ۇشىنشى تۇلعالاردىڭ زاڭسىز پايدالانۋىنا الىپ كەلۋى مۇمكىن ەكەنىن ايتىپ, تسيفرلىق گيگيەنا ەرەجەلەرىن ەسكە سالدى, دەپ حابارلايدى Shalqar.kz “قنردا”-عا سىلتەمە جاساپ:

- جەكە باستى كۋالاندىراتىن قۇجاتتاردىڭ كوشىرمەلەرىن جىبەرمەڭىز;

- بانك كارتاسىنىڭ تولىق دەرەكتەمەلەرىن, اسىرەسە CVV-كودتى, SMS-كودتار مەن قۇپيياسوزدەردى جارييا ەتپەڭىز;

- كۇماندى سىلتەمەلەر ارقىلى وتۋدەن اۋلاق بولىڭىز جانە تەكسەرىلمەگەن كوزدەردەن ليتسەنزيياسى جوق قولدانبالاردى ورناتپاڭىز;

- قۇرىلعىلاردى ۇنەمى تەكسەرىپ وتىرىڭىز: انتيۆيرۋستى جاڭارتىڭىز, سپام مەن كۇدىكتى حاتتاردى جويىڭىز, قاجەتسىز جونەلتۋشىلەردى بۇعاتتاڭىز جانە كەشتى تازالاڭىز;

- ارتۇرلى اككاۋنتتار ۇشىن بىردەي قۇپيياسوزدى پايدالانباڭىز. كۇردەلى قۇپيياسوز كەمىندە 10 تاڭبادان – ارتۇرلى تىركەلىمدەردىڭ ارىپتەرى, تسيفرلار مەن ارنايى بەلگىلەر كومبيناتسيياسىنان تۇرۋعا تيىس;

- جالپىعا قولجەتىمدى Wi-Fi جەلىلەرى ارقىلى ينتەرنەت-بانكينگكە كىرمەڭىز: ولار كوبىنە قاۋىپتى بولۋى مۇمكىن;

- وزدەرىن بانكتىڭ, الەۋمەتتىك قىزمەتتەردىڭ نەمەسە قۇقىق قورعاۋ ورگاندارىنىڭ قىزمەتكەرلەرى رەتىندە تانىستىرعان جاعدايدا دا, بەلگىسىز ادامدارعا ەشقاشان جەكە دەرەكتەرىڭىزدى بەرمەڭىز.