Oqu-ağartu ministri Jwldız Süleymenova mektepterde pänderdi biriktirip oqıtu jönindegi wsınısqa qatıstı öz pikirin bildirdi, dep habarlaydı ministrlikke silteme jasağan Shalqar.kz.

Qazirgi uaqıtta aprobaciyadan ötip jatqan memlekettik jalpığa mindetti bilim beru standartındağı pänderdi biriktirip oqıtu jönindegi mäseleni talqılağan Jwldız Süleymenova, pänderdi biriktirip oqıtu jönindegi wsınıstı qayta qarauğa äzir ekenin ayttı.

"Memleket basşısınıñ tapsırmalarına säykes bilim salasındağı eñ özekti jäne bastı mindet – balalardıñ sapalı bilim alu qwqığın qamtamasız etu. Pänderdi biriktirip oqıtu jönindegi wsınıs jan-jaqtı zerdeleudi qajet etedi dep esepteymin. Bilim jüyesi tehnologiyalıq progreske qadam basqan kezeñde oquşılar ärbir pändi mektepte bazalıq deñgeyde meñgeruge tiis, sondıqtan ministr retinde maqsattarı men taqırıptarı bölek bwl pänderdiñ ärqaysısın jeke pän retinde derbes oqıtudı qoldaymın", - dedi oqu-ağartu ministri.

Esteriñizge sala keteyik, büginde I.Altınsarin atındağı Wlttıq bilim akademiyası äzirlegen jaña oqu standartı pilottıq joba retinde sınaqtan ötude. Oğan säykes algebra men geometriyanı "Matematika", himiya, fizika, biologiya pänderin "Jaratılıstanu ğılımdarı", al düniejüzi tarihı men qwqıq negizderin "Äleumettik ğılımdar" pänderine biriktiru közdelgen bolatın.

"Ministrlik öskeleñ wrpaqtıñ bäsekege qabiletti bolıp ösui üşin bilim beru bağdarlamalarınıñ eñbek narığınıñ talaptarına säykes äzirleu, balalardıñ sapalı bilim alu qwqığın qamtamasız etu maqsatında bwl mäselede pedagogikalıq qauımdastıqpen jäne bilim salasınıñ sarapşılarımen egjey-tegjeyli zerdeleu jürgizuge müddeli", - delingen ministrlik habarlamasında.